"Olimp" býkmekerlik keńsesiniń isine qatysty jańa málimetter shyqty, dep habarlaidy Sputnik Qazaqstan.
Ekonomikalyq resýrstardyń zańsyz shoǵyrlanýyna qarsy is-qimyl máseleleri jónindegi komissiia qazir "Olimp" býkmekerlik keńsesiniń laýazymdy tulǵalaryna qatysty qylmystyq is aiasynda tárkilengen 5,5 mln AQSh dollary men 200 myń eýrony Ulttyq bankke aýdarý protsedýrasy júrip jatqanyn málimdedi.
"Budan bólek Qapshaǵai qalalyq sotynyń 95 mlrd teńge shyǵyn keltirgen osy býkmekerlik keńseniń basshysy S. esimdi azamatty qonys-koloniiaǵa aýystyrý týraly 2022 jylǵy 6 maýsymdaǵy qaýlysynyń kúshin joiý týraly jeke qoldaýhat engizildi", - dep málimdedi komissiia.
Osy is boiynsha memleket paidasyna 3,6 mlrd teńge tárkilendi. Atap aitqanda, 4 ushaq, 5 jer ýchaskesi, 15 avtokólik, Almaty qalasynda 30 jyljymaityn múlik (turǵyn úi jáne turǵyn úi emes nysandar).
"Olimp" isi
2019 jyly jeltoqsan aiynyń basynda Ulttyq qaýipsizdik komitetiniń Almaty qalasy boiynsha departamenti Qazaqstanda "Olimp" býkmekerlik keńsesi jelisiniń qyzmeti ýaqytsha toqtatylǵanyn málimdedi.
Tergeý málimetine súiensek, kompaniia Qazaqstan zańnamasyn buzǵan jáne internet-resýrstardy paidalaný arqyly zańsyz qyzmetpen ainalysqan. Al túsken tabystan salyq tólemegen.
Keiinirek "Olimp" litsenziiany jarty jylǵa toqtata turý týraly sot sheshimine shaǵym túsirýge nietti ekenin habarlady.
2019 jylǵy 18 jeltoqsanda Almaty prokýratýrasy "Olimp" býkmekerlik keńsesin memleketke 145 mlrd teńge tóleýge mindettedi. Sheshim qalalyq memlekettik kirister departamenti júrgizgen salyq tekserisi nátijesi boiynsha qabyldandy.
"Olimp" býkmekerlik keńsesiniń qyzmetin tekserý jarty jylǵa sozyldy. 2020 jyldyń basynda býkmekerlik keńse stavka qabyldaýdy toqtatty.
Keiin "OlimpKZ býkmekerlik keńsesi" JShS basshylaryna halyqaralyq izdeý jariialandy.
Basshylarǵa býkmekerlik qyzmet atyn jamylyp, zańsyz oiyn biznesimen ainalysty, aqshany syrtqa shyǵardy jáne salyqtan jaltardy degen aiyp taǵyldy.
Artynsha OlimpKZ býkmekerlik keńsesiniń býhgalteri Chernogoriiadan ekstraditsiialandy.
