Áleýmettik jelide Qaraǵandy oblysy Qarabas aýylyndaǵy AK-159/18 koloniiasynda jazasyn ótep jatqan sottalýshynyń videoúndeýi tarady. Sottalýshy videoda ólimine kúzet mekemesiniń ákimshiligi kináli ekenin aitady, - dep habarlaidy Tengrinews.kz agenttigi.
Video Instagram jelisinde tarap, rezonans týdyrdy. Video keiipkeri jeke derekterin aityp, keiin ólimine mekeme ákimshiligi kináli ekenin málimdeidi. Bul rette er adam kameraǵa denesindegi túrli jaraqatyn kórsetedi.
"11-15 qarashada AK-159/18 mekemesinde quqyq buzý dereginiń aldyn alý jáne tyiym salynǵan zattardy tárkileý maqsatynda tintý júrgizildi. Osy is-shara barysynda 40-tan asa mobildi qurylǵylar men 0,5 kelige jýyq esirtki zattary tabylyp, tárkilendi. Tyiym salynǵan zattardy jetkizý arnalaryn anyqtaý úshin ishki tergeýler taǵaiyndaldy. Tintý jumystarynan keiin birqatar sottalýshy ózin jaralap, osylaisha, tyiym salynǵan zattardy tárkileýge kelispeitinin bildirdi. Bul video da osy jumystardan keiin jariialandy. Osylaisha, sottalǵandar mekeme ákimshiligine aila-sharǵy jasap, tyiym salynǵan zattardy saqtaǵany úshin jaýapkershilikten jaltarýǵa tyrysady", - dedi Qaraǵandy oblysy IID TJD baspasóz qyzmeti ókilderi.
