Ólim jazasy Konstitýtsiiadan alynyp tastalady. Bul týraly búgin Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
Onyń aitýynsha, Memleket basshysynyń Joldaýyn iske asyrý jónindegi jalpyulttyq is-sharalar josparynyń «Quqyq qorǵaý institýttaryn kúsheitý» baǵytynda 9 is-sharany iske asyrý kózdelgen.
«Azamattardyń irgeli quqyqtaryn qorǵaý maqsatynda Qazaqstan Respýblikasynyń Konstitýtsiialyq soty qurylatyn bolady. Konstitýtsiiada Adam quqyqtary jónindegi ýákildiń mártebesi men qyzmetiniń kepildikteri reglamentteledi. Sondai-aq, adam quqyqtary jónindegi ýákilge Konstitýtsiialyq sotqa júginý quqyǵy beriledi. Sonymen qatar, ólim jazasy Konstitýtsiiadan alyp tastalady», - dedi Álibek Qýantyrov.
Ministrdiń atap ótýinshe, prokýratýra organdaryna azaptaý týraly isterdiń airyqsha tergeýligin belgileý kózdeledi.
Sondai-aq, «Prokýratýra týraly» Konstitýtsiialyq zań jobasyn ázirleý josparlanýda. Joǵarǵy sot keńesiniń konkýrstyq rásimderin onlain-transliatsiialaýdy jáne olardyń qorytyndylary boiynsha egjei-tegjeili, dáleldi túsindirmeler jariialaý engiziledi», - dedi ol.
