Burynǵy Bas prokýror, Parlament Senatynyń depýtaty Qairat Qojamjarov Arnaiy prokýrorlar qyzmetiniń eks-basshysy Olesia Kekseldiń isine qatysty tergeýge boiynsha pikir bildirdi, dep habarlaidy "Ult aqparat".
«Meniń bilýimshe, shaǵym eki ai buryn túsken. Senbi kúni oǵan qylmys belgileriniń joqtyǵyna orai is toqtatylǵany habarlanǵan. Alaida bul taqyryp qyzý talqylanyp jatqandyqtan, is qaita qaralýy múmkin. Jalpy is jaiynda Kekseldiń ózinen habardar boldym. Tergeýshi oǵan telefon shalyp, qylmys quramynyń joqtyǵyna bailanysty is toqtylǵanyn aitqan», - dedi Qairat Qojamjarov Senatta tilshiler saýalyna jaýap bere otyryp.
Sonymen qatar, senator Qazaqstan azaptaýǵa qarsy konventsiiaǵa qosylǵanyn, osyǵan sáikes ulttyq zańnama sáikestendirilgenin atap ótti. Azaptaý týraly shaǵym túskende, quqyq qorǵaý organdary ony mindetti túrde tirkep, tergeý amaldaryn bastaidy. Bul turǵyda kez kelgen aryz tekseriledi.
Q. Qojamjarov Arnaiy prokýrorlar qyzmetiniń burynǵy basshysy Olesia Kekseldi bilikti maman jáne óz isine tiianaqty maman retinde biletinin aitty.
