Afrikada óńirlik WBO belbeýin jeńip alǵan ganalyq boksshy Patrik Allotei (37-3, 29 KO) birinshi orta salmaqta óner kórsetip júrgen qazaqstandyq boksshy Qanat Islamdy (25-0, 20 KO) revanshqa shaqyrdy, - dep habarlaidy Vesti.kz.
"Men Qanat Islammen revanshqa shyqqym keledi. Bizdiń birinshi jekpe-jegimizde olar meni tonap ketti, sol sebepti men onymen taǵy da judyryqtasqym keledi", - dedi Allotei.
Ótken senbide, 7 sáýirde Gananyń Akra qalasynda Allotei altynshy raýndta óz otandasy Frenk Dodzidi (19-9, 17 KO) nokaýtqa túsirip, óńirlik WBO belbeýin jeńip aldy.
Osyǵan deiin de Allotei Islamdy jekpe-jekke shaqyryp, 2016 jyly 29 qazanda Almatyda ótken boks keshinde ádiletsiz sheshim shyǵarylǵanyn aitqan edi. Jekpe-jek barlyq 12 raýnd boiy sozyldy, tóreshiler sheshimi boiynsha biraýyzdan jeńisti qazaqstandyq boksshyǵa bergen edi.
Taiaýda Qanat Islam tanymal menedjer Egis Klimaspen jumys istei bastaǵany týraly habarlandy. Amerikalyq maman Sergei Kovalev (31-2-1, 27 KO), ýkrainalyq Vasilii Lomachenko (10-1, 8 KO) jáne Aleksandr Ýsikpen (14-0, 11 KO) jumys isteidi. 2017 jyly Egis Klimas The Ring nusqasy boiynsha úzdik menedjer atandy.
