Aqtóbede oqýshyny zorlaǵan kúdiktige qatysty tergeý aiaqtalyp, is sotqa tústi, dep habarlaidy QazAqparat tilshisi.
«Aqtóbe qalasynyń Almaty aýdandyq prokýratýrasy aiyptaý aktisin bekitip, 21 jastaǵy Aqtóbe qalasy turǵynyna qatysty qylmystyq isti sotqa jiberdi. Oǵan kámeletke tolmaǵan qyzdy zorlaǵany úshin aiyp taǵyldy. Is oblystyq qylmystyq ister jónindegi mamandandyrylǵan aýdanaralyq sotyna jiberildi», - dep jazdy Aqtóbe qalasynyń Almaty aýdandyq prokýrory Jasulan Dáýlembaev.
Eske salsaq, oqiǵa 12 jeltoqsan kúni túste bolǵan. Er adam 9 jasar oqýshy qyzdy óz úiinde zorlaǵan. Ol páter esigin aldap ashqyzǵan.
