Qazaqstanda oqýshylardyń mektepke birqatar zatty alyp kelýine tyiym engiziledi. Bul týraly QR IIM Ákimshilik politsiia komitetiniń tóraǵasy Murat Baimuqashev málim etti, dep habarlaidy QazAqparat.
«Jyldyń basynda Ishki ister ministrligi Bilim jáne ǵylym ministrligimen birlesip, bilim berý uiymdaryna alyp kelýge tyiym salynatyn zattar men buiymdardyń tizilimin ázirledi. Tiisti buiryq Ádilet ministrliginiń tirkeýinde jatyr. Ol osy aidyń ishinde zańdy kúshine enedi», - dedi komitet tóraǵasy Ishki ister ministrliginde ótken baspasóz máslihaty barysynda.
Onyń atap ótýinshe, mektepke alyp kelýge tyiym salynǵan zattardyń tizilimine qarý-jaraq, pyshaq, rogatka, kastetter jáne soǵan uqsas zattar kiredi.
«Sonymen qatar jarylǵysh qurylǵy imitatoryn, aerozoldy boiaýdy, pirotehnikalyq zattardy jáne gaz ballondaryn alyp kelýge tyiym salynady», - dedi Murat Baimuqashev.
