Qaraǵandy oblysynda mektep oqýshylaryn qashyqtan oqý rejimine kóshirý syrqattanýshylyq deńgeiin 50 paiyzdan astamǵa tómendetýge múmkindik berdi.
Bul týraly búgin Úkimet otyrysynda Qaraǵandy oblysynyń ákimi Jeńis Qasymbek aitty, dep habarlaidy QazAqparat.
«Osy jyldyń 17 mamyryndaǵy jaǵdai boiynsha Qaraǵandy oblysynda koronavirýs infektsiiasynyń 28 222 zerthanalyq rastalǵan jaǵdaiy tirkeldi. Reprodýktivtilik sany 1,16 quraidy. Oblysta 4 899 infektsiialyq tósek-oryn bar. Onyń ishinde 399 reanimatsiialyq tósek-oryn qarastyrylǵan. Infektsiialyq tósek-oryn júktemesi 34 paiyz bolsa, reanimatsiialyq tósek-oryn júktemesi 19 paiyzdy quraidy. 2020 jyly koronavirýs infektsiiasy jańa tolqynyna daiyndyqtyń jedel josparyn iske asyrý infektsiialyq gospital retinde beiimdelgen ǵimarattardan bas tartyp, koronavirs kezinde meditsinalyq kómek kórsetý standarttaryna sai keletin nysandardy ǵana paidalanýǵa múmkindik berdi»,- dedi ol.
Óńir basshynyń aitýynsha, statsionarlar men emhanalarda dárilik zattar men jeke qorǵanys quraldarynyń úsh ailyq qory qamtamasyz etilgen.
«Epidemiiaǵa qarsy qabyldanǵan is-sharalar aýrýdyń tez ósýine jol bermedi. Osylaisha, aimaqtyń densaýlyq saqtaý júiesine júktemeniń kúrt artýyna jol berilgen joq. Shekteý sharalary uiymdasqan eńbek ujymdarynda, birinshi kezekte júie quraýshy kásiporyndarda olardyń ádettegi jumys rejimin saqtai otyryp, aýrý oshaqtaryna paida bolýyn azaitýǵa múmkindik berdi. Qazirgi ýaqytta oblysta úi oshaqtary basym. Bul rette negizgi júkteme 800 myńnan astam turǵyny bar Qaraǵandy qalasy men 4 seriktes qalanyń aýmaǵyna túsedi. Qaraǵandy aglomeratsiiasy aiasynda karantin is-sharalaryn kúsheite otyryp, oblystyń basqa óńirlerine infektsiianyń taralýyn tejei alamyz. Mektep oqýshylaryn qashyqtan oqý rejimine kóshirý syrqattanýshylyq deńgeiin 50 paiyzdan astamǵa tómendetýge múmkindik berdi»,- dedi Jeńis Qasymbek.
Onyń dereginshe, óńirde 70 189 adam tolyq vaktsina aldy. Birinshi komponentpen 144 352 qamtyldy. Bekitilgen merzimge sáikes, mamyr aiynyń sońyna deiin 105 myń oblys turǵynyn vaktsinatsiialaý tolyǵymen aiaqtalady.
