Bas prokýratýra bilim berý mekemeleriniń balalardy tasymaldaý qyzmetterin usyný sapasy men qaýipsizdigin taldaý aiasynda birqatar zańbuzýshylyqty anyqtady, - dep habarlaidy "Ult aqparat" vedomstvonyń baspasóz qyzmetine silteme jasap.
"Atap aitqanda, júrgizýshi kýáliginiń merzimi ótip ketken, qajetti júrgizý sanaty jáne tasymaldaýshynyń jolaýshylar aldyndaǵy jaýapkershiligin mindetti saqtandyrýy joq júrgizýshilerdiń balalardy tasymaldaý faktileri tirkeldi. Jekelegen óńirlerde oqýshylardy tasymaldaýǵa buryn qylmystyq jaýaptylyqqa tartylǵan jáne balalarmen jumys isteýge quqyǵy joq adamdar jiberilgen", - delingen habarlamada.
Sonymen qatar, keibir avtobýstar reis aldyndaǵy tehnikalyq qarap-tekserýden, al júrgizýshiler - meditsinalyq kýálandyrýdan ótpegen.
"Jalpy, avtobýs parkiniń jai-kúii, olardyń materialdyq-tehnikalyq jabdyqtalýy (órt sóndirgishterdiń, qaýipsizdik beldikteriniń, jarqyldaýyq maiaktardyń, "Balalardy tasymaldaý" taqtaishalarynyń bolmaýy jáne t.b.) qaýipsizdik talaptaryna sáikes kelmeidi dep tanyldy", - delingen habarlamada.
