video kadry
Áleýmettik jelide liftide oqýshy qyzǵa tiisip, páterine shaqyrǵan er adamnyń videosy tarady, - dep habarlaidy Tengrinews.kz saity.
Áleýmettik jelide 23 jastaǵy jigittiń liftide kámeletke tolmaǵan qyzǵa tiisip turǵan videosy tarady. Oqiǵa qala ortalyǵyndaǵy kópqabatty úide bolǵan. Ol lift batyrmalaryn basyp, qyzdy liftten túsirmeidi. Biraz ýaqyttan keiin ol shyǵyp ketedi, al qyz burylyp, kóz jasyn súrtedi.
Keiinirek áleýmettik jelide taǵy bir video paida boldy, onda er adam oqýshy qyzǵa tiisip, ony páterine shaqyrmaq bolǵanyn moiyndaidy. Videoda ol Túrkistan oblysynan Qaraǵandyǵa jumys isteýge kelgenin aitady.
Qaraǵandy oblystyq Politsiia departamentiniń baspasóz qyzmeti videoǵa qatysty pikir bildirdi. Vedomstvo málimetinshe, eki videodaǵy da bir er adam.
"Politsiiaǵa Qaraǵandy qalasynyń 35 jastaǵy turǵyny habarlasty. Ol kópqabatty úidiń liftinde belgisiz jigit onyń 15 jastaǵy qyzyn súiip alǵanyn aitty. 23 jastaǵy jigit anyqtaldy, onyń áreketinde ákimshilik quqyq buzýshylyq quramy – "Usaq buzaqylyq" anyqtaldy. Sot politsiia qyzmetkerleriniń ýájderimen kelisip, quqyq buzýshyny úsh táýlikke ákimshilik qamaýǵa aldy", - dedi Qaraǵandy oblysy PD baspasóz qyzmeti ókilderi.
