Iri zertteýdiń qorytyndysy koronavirýsqa qarsy Oksford ýniversitetinde jasalǵan vaktsina COVID-19 belgileriniń ýshyǵýyn aldyn alýda joǵary nátijeliligin kórsetti, dep habarlaidy BBC.
Aldyn ala berilip otyrǵan málimetke sáikes, vaktsina nátijeliliktiń 70 paiyzyn kórsetken. Alaida zertteýshilerdiń aitýynsha, dozany ózgergertken jaǵdaida ol 90 paiyzǵa deiin jetýi múmkin.
Synaq barysynda eriktilerge eki túrli jolmen vaktsina egilip, nátijesi ártúrli bolyp shyqqan.
Birinshi jaǵdaida shamamen 3 myń adamǵa jarty doza egilgen, bir aidan soń tolyq salynǵan. Mundai amal 90 paiyz tiimdi ekenin kórsetken.
Ekinshi jaǵdaida eriktiler birden tolyq dozany qabyldap, bir aidan keiin osy protsedýra qaitalanǵan. Bul amal 62 paiyz tiimdi ekenin kórsetken.
Osylaisha eki testtiń nátijesin biriktirip, ortashasyn shyǵarǵanda AstraZeneca kompaniiasynyń koronavirýs vaktsinasy 70 paiyz tiimdi ekenin kórsetti dep aitýǵa bolady. Kompaniia taratqan habarlamada vaktsinanyń +2 men +8 gradýs aralyǵynda saqtala beretini, vaktsina salýǵa erekshe jaǵdai kerek emestigi aitylǵan.
AstraZeneca kompaniiasy ónimdi paidalanýǵa ruqsat etilse, 2021 jyly 3 milliardqa deiin óndirýge daiyn ekenin aityp otyr.
Zertteý nátijesine sáikes, Oksford ýniversitetiniń vaktsinasy nátijelilik jaǵynan Pfizer jáne Moderna kompaniialarynyń vaktsinalarynan keiingi orynda tur. Atalǵan kompaniialardyń vaktsinalarynyń qorǵaýshylyq pármeni 95 paiyzǵa jetken.
Alaida BBC oksfordtyq vaktsina Pfizer jáne Moderna vaktsinalarynan qaraǵanda edáýir arzan ári ony saqtaýdyń ońai ekenin, vaktsinany álemniń kez kelgen núktesine jetkizýge bolatynyn atap ótedi. Eger retteý organdary tarapynan maquldansa, vaktsina pandemiiaǵa qarsy kúreste mańyzdy ról atqarmaq.
«Vaktsinanyń nátijeliligi týraly búgingi málimdeme (Oksford ýniversitetiniń) bizdi virýs týyndatqan kúizelisten shyǵýǵa taǵy bir qadam jaqyndatary sózsiz», - dep málimdedi vaktsinany jasaǵan professor Sara Gilbert.
Ulybritaniia úkimeti oksfordtyq vaktsinanyń aldyn ala 100 million dozasyna tapsyrys bergen.
Ulybritaniianyń Premer-ministri Boris Djonson «keremet jańalyqqa» bailanysty qýanyshyn bildirip, vaktsinanyń qaýipsizdigin tekserý jumystary alda bolsa da, ony «fantastikalyq nátije» dep atady.
Vaktsinany ázirleýge shamamen 10 ai ýaqyt ketken. Ádette mundai protsess ondaǵan jyldarǵa sozylady.
Ulybritaniia men Braziliiada synaqqa qatysqan 20 myń eriktiden alynǵan eki nátije bar.
Jalpy vaktsinanyń eki dozasyn alǵan 30 adam Covid-19 indetin juqtyrǵan. Sondai-aq fiktivti inektsiia alǵan 101 adam koronavirýsqa shaldyqqan. Osylaisha, zertteýshiler vaktsinanyń nátijeliligi 70 paiyzdy kórsetkenin málimdedi. Bul kórsetkish - maýsymdyq tumaý ekpesinen de jaqsy kórsetkish.
Sonymen qatar osy vaktsinany saldyrǵan birde-bir adam koronavirýstyń aýyr túrine qaitadan shaldyqpaǵan jáne olar statsionarlyq emdi qajet etpegen.
Jetekshi zertteýshi, professor Endriý Pollard bul nátijege «kóńili yrza ekenin», sebebi «bul degenińiz - bizde búkil álemge arnalǵan vaktsina bar degen sóz».
Ulybritaniiada oksfordtyq vaktsinanyń 4 million dozasyn qabyldaýǵa ázir adamdar bar eken. Alaida retteýshi organdar maquldamai, birde-bir adamǵa vaktsina salynbaidy. Retteýshi organdar vaktsinanyń qaýipsizdigi men nátijeliligin baǵalap, joǵary standarttarǵa sáikestigin tekserýi tiis. Bul protsess adaǵy aptalarda bolady.
Ulybritaniia jappai immýndaý boiynsha teńdessiz kampaniiany bastaýǵa daiyn tur. Bul protsess jyl saiynǵy tumaýǵa qarsy vaktsinanyń ózin jolda qaldyraiyn dep tur. Eń birinshi kezekte qarttar úiiniń turǵyndary men personalyna ekpe jasalady. Odan keiin vaktsina meditsina qyzmetkerleri men jasy 80-nen asqan azamattarǵa salynady.
BBC oksfordtyq vaktsina Pfizer jáne Moderna kompaniialarynyń vaktsinalarynan qaraǵanda basqa amaldy qoldanatynyn atap ótedi. Iaǵni oksfordtyq ádis boiynsha patsientterge virýstyń genetikalyq kodynyń bir bóligi salynady.
Álbette Pfizer jáne Moderna kompaniialarynyń vaktsinalarynyń vaktsinalarynyń 95 paiyzdyq pármeninen qaraǵanda 70 paiyzdyq kórsetkish álemdi tamsandyra qoimaýy múmkin. Áitse de, bul vaktsina - Covid-19 juqtyrǵan adamdardy qutqaryp qalýǵa qaýqarly ári ol maýsymdyq tumaýǵa qarsy ekpege qaraǵanda edáýir tiimdirek. Sonymen qatar onyń basqa da basymdyqtary men artyqshylyqtary bar.
Baǵasy shamamen 3 fýnt sterling turatyn oksfordtyq vaktsinanyń baǵasy da arzan. Máselen Pfizer kompaniiasynyń vaktsinasynyń baǵasy 15 fýnt sterling, al Moderna kompaniiasynyń vaktsinasy 25 fýnt sterling turady.
