Ońtústik Qazaqstan oblysynda jetim balalar ejelgi Otyrar tarihymen tanysty. Shymkent qalasyndaǵy №4 balalar úiiniń tárbielenýshileri Otyrar aýdanyn aralap, kieli jerlerdi kórip qaitty, dep habarlaidy QazAqparat tilshisi.
Elbasymyz N.Á.Nazarbaevtyń «Bolashaqqa baǵdar: rýhani jańǵyrý» maqalasy aiasynda uiymdastyrlǵan saiahatta Otyrar aýdanyq sottyń tóraǵasy Ákimbek Janasov balalardy arnaiy kútip alyp, olarmen birge júrdi.
Saiahatty Rýhaniiat Ábý-Nasyr Ál-Farabi murajaiynan bastaǵan oqýshylar aýdan tarihynan syr shertetin qundy jádigerlermen jan-jaqty tanysyp, Arystanbab kesenine ziiarat jasady. Muhtar Shahanovtyń «Kóne qumyranyń syry jáne Otyrar dastany» atty shyǵarmalarynyń negizinde túsirilgen mýlthikaiany tamashalady. Jetkinshekter ózderin IX-X ǵasyrda júrgendei sezinip, alǵan áserlerimen kóne Otyrar qalasynyń orny Otyrar tóbege bardy. Onda júrgizilip jatqan arheologiialyq zertteý jumystarymen tanysyp, ejelgi ǵasyrlardan syr shertetin qaqpa aldynda estelikke sýretke tústi.
Otyrar aýdanynyń tarihyna qanyqqan mektep oqýshylary artynsha Túrkistan shaharynda ornalasqan Arystanbabtyń shákirti Qoja Ahmet Iassaýi kesenesine ziiarat jasady. Óskeleń urpaqtyń týǵan jerge degen súiispenshiligin arttyrý, tarihi oryndarmen tanystyrý maqsatynda uiymdastyrylǵan tanymdyq saiahatta tárbielenýshiler men ustazdar qonaqjai Otyrar jurtyna alǵystaryn bildirdi.
