Búgin Ońtústik Qazaqstan oblysynyń ortalyǵy - Shymkent qalasynda Qazaqstan Respýblikasy rámizderiniń 25 jyldyǵyna arnalǵan «Máńgi jelbire kók týym» atty merekelik is-sharasy ótti, dep habarlaidy "Ult aqparat" oblys ákiminiń baspasóz qyzmetine silteme jasap.
4 maýsym – Qazaqstan Respýblikasynyń Memlekettik rámizderi kúnine orai uiymdastyrylǵan shara, eń aldymen, «25 jyl, 25 kóshe» merekelik sherýimen bastaý alyp, qaladaǵy «Báidibek bi» eskertkishinen qaladaǵy T.Rysqulov, Qazybek bi syndy 25 negizgi kóshe arqyly «Táýelsizdik saiabaǵyna» deiin jalǵasty. Sherýge 20 mototsiklshi men 30 velosipedshi jáne taqyrypqa sai bezendirilgen 2 avtobýs, 4h8 kóleminde memlekettik tý ustaǵan 30 sportshy qatysty. Al avtobýsqa eńbek ardagerleri, qoǵam qairatkerleri syndy túrli salanyń úzdikteri otyrǵyzyldy.
Sherý qatysýshylaryn «Táýelsizdik» saiabaǵynyń negizgi qaqbasynan qarsy alǵan oblys ákiminiń birinshi orynbasary Darhan Satybaldy men Shymkent qalasynyń ákimi Ǵabidolla Ábdirahymov óńir jurtshylyǵyn merekemen quttyqtady.
Merekelik is-sharanyń úilesimdi jalǵasy «Táýelsizdik tuǵyrym» sazdy-horeografiialyq kompozitsiiasyna ulasty. Kompozitsiia barysynda jalyndy jastardan quralǵan jalpy sany 100 adamdyq top zamanaýi sazdy mýzyka yrǵaǵymen fleshmob uiymdastyryp, rámizder belgisi bar arnaiy daiyndalǵan sharlardy ushyrdy.
Sondai-aq, shara barysynda «Sýretter sóileidi» qolóner sheberleri men qylqalam óner kórmesi kelýshiler nazaryna usynylyp, sheberler jas býynǵa sýret óneriniń syryn ashatyn trening ótkizse, «Táýelsizdik» saiabaǵynyń ortasynda ornalasqan sýburqaq alańynda velosipedshiler patriottyq án yrǵaǵymen týdy jelbiretip ustaý ónerin jalpy jurtqa pash etti.
Munan soń, saiabaqtaǵy Rámizder alańshasyna ornalasqan tý tuǵyry qaita jańǵyrtylyp, resmi túrde kóterilip, memlekettik gimn oryndaldy. Áskeri úrmeli aspaptar orkestriniń súiemeldeýimen oryndalǵan horǵa balabaqsha búldirshinderi, mektep oqýshylary, mýzykalyq kolledj stýdentteri, áskeri qyzmetkerler, etno-mádeni ortalyqtardyń ókilderi jáne ardagerler qatysty.
