Ońtústik Qazaqstan oblysynyń ákimi Janseiit Túimebaev «KAZAKH INVEST» UQ» AQ Ulttyq kompaniiasy tóraǵasynyń orynbasary Birjan Qaneshevpen kezdesti.
Áńgime barysynda Birjan Bisekenuly oblys ákimine «KAZAKH INVEST» UQ» AQ Ulttyq kompaniiasynyń Ońtústik Qazaqstan óńirlik ókildiginiń basshylyq quramyn tanystyrdy. Budan bylai atalǵan óńirlik ókildigine Shahizat Mataev basshylyq jasaityn bolady.
«Biz atalǵan kompaniiadan úlken úmit kútemiz. Oblys ekonomikasynyń áleýeti zor. Barlyq salalalarda jumys isteýge daiynbyz. Óńirdiń investitsiialyq tartymdylyǵy joǵary. Ásirese, aýyl, mal, egin sharýashylyǵy, týrizm salalarynda, jeńil ónerkásip, mashina jasaý salalarynda múmkindikterimiz mol. Biz «KAZAKH INVEST» UQ» AQ Ulttyq kompaniiasynyń jumysyna tolyq qoldaý bildirip, ashyqtyqpen jumys isteýge ázirmiz», - dedi Janseiit Qanseiituly.
Óz kezeginde B.Qaneshov investorlarǵa kórsetiletin memlekettik qyzmetti elektrondy júiege kóshirý, kedendik, ózge de biýrokratiialyq kedergilerdi joiý máseleleri tóńireginde kompaniia tarapynan atqarylyp otyrǵan jumystarǵam toqtaldy.
«QazaqInvest» kompaniiasy Elbasymyzdyń tapsyrmasyna sai «KazNextInvest»-tiń bazasynda quryldy. Eki aidan beri jumys jasap kelemiz. Bizdiń kompaniia qazaqstandyq ekonomikanyń basym baǵyttaryna tikelei investitsiialar tartýmen ainalysatyn bolady. Osy baǵytta biz Ońtústik Qazaqstan oblysy ákimdigi men jáne jergilikti kompaniialarmen jumystardy júieli túrde uiymdastyrýdy kózdep otyrmyz. Atalmysh kompaniia sheteldik ókildikter men filialdardyń aýqymdy jelisin qamtyp, Úkimet atynan iri investorlarmen jáne «birińǵai kelissóz júrgizýshi» retinde is-qimyl jasaityn bolady», - dedi B.Qaneshov.
Aita keteiik, kompaniia fýnktsiialaryna investitsiialyq jobalardy ázirleýdi qamtamasyz etý, investitsiiany qajet etetin jobalardyń tizimin ázirleý, maqsatty jáne daiyndyǵy bar investorlardy tartý jatady. Sondai-aq resmi tulǵalarmen qol jetkizilgen barlyq kelissózderge monitoring jasap, «Bir tereze» qaǵidaty boiynsha investitsiialyq jobalardyń júzege asýyna qoldaý kórsetedi.
Búginde kompaniia investorlardy qoldaý úshin «bir tereze» qaǵidaty boiynsha biryńǵai aqparattyq júie engizý boiynsha jumys jasap jatyr. Biryńǵai aqparattyq júieni engizý arqyly jobalardy júzege asyrýda viza alý, kelissózder júrgizý siiaqty jumystar biryńǵai aqparattyq júiede kórsetiletin bolady. Árbir jobaǵa «KAZAKH INVEST» UQ» AQ-nyń bir-bir qyzmetkeri jaýapty bolady.
