Ońtústik Qazaqstan oblysynda "ekstremistik baǵyttaǵy materialdardy ǵalamtor jáne áleýmettik jeliler arqyly taratty" degen kúdikpen 12 adam ustaldy, dep habarlaidy "Ult aqparat" Azattyqqa silteme jasap.
31 qańtar kúni UQK-niń Ońtústik Qazaqstan oblysy boiynsha departamenti jappai ustaý operatsiiasy týraly málimdeme taratty.
Departamenttiń habarlaýynsha, UQK men Ishki ister departamentiniń qyzmetkerleri uiymdastyrǵan arnaiy operatsiia kezinde Túrkistan, Arys, Kentaý qalasy men Shardara, Sozaq jáne Túlkibas aýdanynyń turǵyndary ustalǵan. Olar "ǵalamtor jáne áleýmettik jelilerde ekstremistik baǵyttaǵy materialdardy taratý arqyly dini alaýyzdyqty qozdyrdy" degen kúdikke ilingen.
Arnaiy qyzmet pen politsiia ustalǵandardyń Qylmys kodeksiniń 174-baby («Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý») boiynsha tergelip jatqanyn aitady. Ustalǵandardyń aty-jónderi ázirge jariialanbady.
