Ońtústik Qazaqstanda jyl sońyna deiin 569 nysan nemese 1452,2 shq. joldar men kósheler, 3 jaiaý júrginshiler ótkelderi jáne 19 kópir qurylys-jóndeý jumystarymen qamtylatyn bolady. Ol úshin biýdjetten 29 895,4 mln. teńge qaralǵan. Al oblystyq jolaýshylar kóligi jáne avtomobil joldary basqarmasy bul nysandardyń 92 nysanyn, iaǵni, 863,5 shq. joldar men 3 jaiaý júrginshiler ótkelderin jáne 18 kópirin mekeme atynan atqaryp, qazynadan 20,7 mlrd. teńge bólip otyr. Bul qarjyǵa, sonymen birge, óńirdegi 4330,3 shq. oblystyq mańyzy bar avtomobil joldaryn kútip ustaý men 483,1 shq. jolǵa 59 jobalaý-smetalyq jáne smetalyq qujattama ázirleý jumystary da jasalady, dep habarlaidy "Ult aqparat" oblys ákiminiń baspasóz qyzmetine silteme jasap.
Jalpy sany 92 nysannyń 54-i 2017 jyldyń sońyna deiin aiaqtalyp, paidalanýǵa berilse, qalǵan 38 nysan kelesi jyldyń enshisine ótpek. Biyl aiaqtalatyn nysandardy tarqatyp aitsaq, osy jyly uzyndyǵy 201,65 shq. quraityn jol (qalǵan 661,9 shq. jol 2018 jylǵa ótpeli) men 18 kópir jáne 3 jaiaý júrginshiler ótkeli bitýi tiis.
Atap aitsaq, biýdjet qarjysynyń bir bóligi Báidibek aýdanyndaǵy (1-slaid) 23 nysan - 230 shaqyrym jol men 1 kópirdiń qurylys-jóndeý jumystaryna jumsalsa, birshama teńge 6 nysan nemese 33 shaqyrym jol men 4 kópirdiń qurylys-jóndeý jumystaryn júrgizý úshin jobalaý-smetalyq qujattama ázirleýge qaralady. Onyń ishinde, iri jobalarǵa toqtalsaq, Báidibek aýdanynda 2018-2020 jyldary shamamen 3,5 mlrd. teńgege 30 shaqyrymdy quraityn 1 iri jobanyń qurylys-jóndeý jumystaryn júrgizý josparlanǵan. Atalǵan joba aiasynda Shaldar, Jambyl jáne Shaian eldi mekenderinen ótetin oblystyq mańyzy bar KH-2 avtomobil jolyna kúrdeli jóndeý jumystary júrgiziledi. Sonymen qatar, 2017-2018 jj. uzyndyǵy 164,2 shaqyrymdy quraityn 3 nysannyń ortasha jóndeý jumystary atqarylýda. Atalǵan jobalardyń jóndeý jumystary Shaian, Qazata, Aǵybet, Shaqpaq, Keńestóbe, Jaryqbas, Almaly, Aqtas, Jylandy Boraldai, Aqbastaý jáne Birlik eldi mekenderinen ótedi.
Qazyǵurt aýdanynda da 41 nysannyń nemese 185 shaqyrym joldyń qurylys-jóndeý jumystary qamtylǵan (slaid -2,3). Sondai-aq, aǵymdaǵy jyly 4 nysan - 87,1 shaqyrym jolǵa qurylys-jóndeý jumystaryn júrgizý úshin jobalaý-smetalyq qujattama ázirlenýde. Ishindegi iri jobalar retinde Qazyǵurt aýdanyndaǵy jobalardy aitýǵa bolady. Onda 2018-2020 jyldary shamamen 4,5 mlrd. teńgege 37,1 shaqyrymdy quraityn 2 iri jobanyń qurylys-jóndeý jumystaryn júrgizý josparlanǵan bolatyn. Atalǵan jobalar aiasynda Sharaphana, Jumysshy, Syntas jáne Jańabazar eldi mekenderinen ótetin oblystyq mańyzy bar uzyndyǵy 16 shaqyrymdy quraityn KH-29 avtomobil jolyna kúrdeli jóndeý jumystary júrgizilse, Sharbulaq jáne Turbat eldi mekenderinen ótetin oblystyq mańyzy bar uzyndyǵy 21,1 shaqyrymdy quraityn KH-48 avtomobil jolyna da kúrdeli jóndeý jumystary júrgiziledi. Sonymen qatar, 2017-2018 jj. 40 shaqyrymdy quraityn 1 nysannyń ortasha jóndeý jumystary atqarylýda. Atalǵan jobanyń jóndeý jumystary Eńbekshi, Shanaq jáne Aqjar eldi mekenderinen ótedi.
Sonymen qatar, Maqtaaral men Ordabasy aýdandaryndaǵy birneshe shaqyrym jol kópirler jóndeý kóredi. Máselen, Maqtaaral aýmaǵynda 2017 jyly 71 nysannyń nemese 168 shaqyrym jol men 5 kópir qurylys-jóndeý jumystary qamtylatyn bolsa, 2 nysannyń nemese 11,5 shaqyrym jol men 1 kópirge qurylys-jóndeý jumystaryn júrgizý úshin jobalaý-smetalyq qujattama ázirlenbek (4-slaid). Tiisinshe, jyl aiaǵyna deiin Ordabasydaǵy 31 nysan nemese 38 shaqyrym jol men 1 kópirdiń qurylys-jóndeý jumystary qamtylǵan. Buǵan taǵy 4 nysannyń nemese 62,4 shaqyrym jol men 2 kópirge qurylys-jóndeý jumystaryn júrgizý úshin jobalaý-smetalyq qujattama ázirleýdi qosyńyz (5-slaid). Máselen, Maqtaaralda aldaǵy eki jylda 11,5 shaqyrymdy quraityn 1 iri jobanyń qurylys-jóndeý jumystary júrgizýi josparlanyp, ol boiynsha Progress jáne Birlik eldi mekenderinen ótetin oblystyq mańyzy bar KH-117 avtomobil jolyna kúrdeli jóndeý jumystary júrgizilse, Ordabasyda 15,6 shaqyrymdy quraityn 1 iri jobanyń qurylys-jóndeý jumystary júrgizý josparlanyp, Temirlan, Yntaly jáne Maiaryq eldi mekenderinen ótetin oblystyq mańyzy bar KH-8 avtomobil joly kúrdeli jóndeý kórmek. Sondai-aq, 2017-2018 jj. 26 shaqyrymdy quraityn 1 nysannyń ortasha jóndeý jumystary atqarylýda. Atalǵan jobanyń jóndeý jumystary Úlgili eldi mekeninen ótedi.
Sairamdaǵy 43 nysan nemese 57 shaqyrym jol men 1 kópirdiń qurylys-jóndeý jumystaryn aiaqtaý 2017 jyldyń enshisine tiesili (6,7,8,11,12-slaid). Biyl, sondai-aq, aýdandaǵy 93,5 shaqyrym jolǵa (6 nysan) qurylys-jóndeý jumystaryn júrgizý úshin jobalaý-smetalyq qujattama ázirleý de josparlanyp otyr. Iaǵni, atalǵan aýdanda 2017-2020 jyldary 59,8 shaqyrymdy quraityn 5 iri jobanyń qurylys-jóndeý jumystaryn júrgizý josparlanǵan. Bul jobalar aiasynda Bozaryq eldi mekeninen ótetin oblystyq mańyzy bar uzyndyǵy 3,9 shaqyrymdy quraityn KH-37 avtomobil jolyna qaita qurý jumystary jáne Kómeshbulaq, Qyzyljar, Qyzylásker jáne Tespe eldi mekenderinen uzyndyǵy 17,8 shaqyrym jolǵa kúrdeli jóndeý jumystary júrgizilse, Sairam eldi mekeninen ótetin oblystyq mańyzy bar uzyndyǵy 30 shaqyrymdy quraityn KH-83 avtomobil jolyna qaita qurý jumystary, Tasken, Martóbe, Qyzylsý jáne Qarasý eldi mekenderinen ótetin oblystyq mańyzy bar uzyndyǵy 8 shaqyrymdy quraityn KH-97 avtomobil jolyna qaita qurý jumystary, Aqsýkent, Mankent, Aqbastaý, Nizamabad jáne Qaramurt eldi mekenderinen ótetin oblystyq mańyzy bar uzyndyǵy 22 shaqyrymdy quraityn KH-3 avtomobil jolyna kúrdeli jóndeý jumystary júrgiziledi.
Túrkistan shaharyndaǵy 71 shaqyrym jol men 1 kópirdiń (21 nysan) qurylys-jóndeý jumystaryn jasaý men qaladaǵy 59,2 shaqyrym jol men 3 kópirdiń (5 nysan) qurylys-jóndeý jumystaryn júrgizý úshin jobalaý-smetalyq qujattama ázirleý 2017 jylǵa kózdelipti (9-10-slaid). Munda 2 iri joba - Teke jáne Jalantóbe eldi mekenderinen ótetin oblystyq mańyzy bar uzyndyǵy 26,1 shaqyrymdy quraityn KH-84 avtomobil jolyna kúrdeli jóndeý jumystary júrgizilse, Oiyq jáne Ashysai eldi mekenderinen ótetin oblystyq mańyzy bar uzyndyǵy 33,1 shaqyrymdy quraityn KH-56 avtomobil jolyna da kúrdeli jóndeý jumystary jasalmaq. Sonymen qatar, 2017-2018 jj. 53,5 shaqyrymdy quraityn 2 nysannyń ortasha jóndeý jumystary atqarylýda. Atalǵan jobalardyń jóndeý jumystary Qazaqstannyń 30 jyldyǵy, Shaǵa, Qosqorǵan, Eńbekshi Diqan, Eski Iqan, Aqtóbe jáne Ibata eldi mekenderinen ótedi.
Al Túlkibas aýdanyndaǵy 16 nysannyń nemese 72 shaqyrym jol men 2 kópirdiń qurylys-jóndeý jumystary jáne 3 nysannyń nemese 16 shaqyrym jol men 1 kópirdiń qurylys-jóndeý jumystaryn júrgizý úshin jobalaý-smetalyq qujattamalaryn ázirleýge sala mamandary qazirden-aq kirisip ketti. Atalǵan joba sheńberinde uzyndyǵy 7 shaqyrymdy quraityn T.Rysqulov, Shuqyrbulaq jáne Túlkibas eldi mekenderinen ótetin oblystyq mańyzy bar KH-64 avtomobil jolyna qaita qurý jumystary júrgiziledi.
Tólebi aýdany aýmaǵynda 2017 jyly 33 nysannyń nemese 112 shaqyrym joldyń qurylys-jóndeý jumystary qamtylǵan. Sondai-aq, aǵymdaǵy jyly 5 nysannyń nemese 4,5 shaqyrym jol men 3 kópirdiń qurylys-jóndeý jumystaryn júrgizý úshin jobalaý-smetalyq qujattama ázirlenýde. Sonymen qatar, 2017-2018 jj. 52 shaqyrymdy quraityn 2 nysannyń ortasha jóndeý jumystary atqarylýda. Atalǵan jobalardyń jóndeý jumystary Kielitas, Dostyq, Lengir, Momynai, Ekpindi, 1-Mamyr, Yntymaq, Nysanbek, Alataý jáne Dihankól eldi mekenderinen ótedi (23-24 slaid).
Saryaǵash aýdanyna kelsek, munda biyl 67 nysannyń nemese 119 shaqyrym jol men 3 kópirdiń qurylys-jóndeý jumystary qamtylǵan. Sondai-aq, aǵymdaǵy jyly 8 nysannyń nemese 8 kópirdiń qurylys-jóndeý jumystaryn júrgizý úshin jobalaý-smetalyq qujattama ázirlenýde. Sonymen qatar, 2017-2018 jj. 60,5 shaqyrymdy quraityn 3 nysannyń ortasha jóndeý jumystary atqarylýda. Atalǵan jobalardyń jóndeý jumystary Qoshqar ata, Besqubyr, Jambyl, Júzimdik, Jańadáýir, Derbisek, Saryaǵash, Abai, Ushqyn jáne Halqabad eldi mekenderinen ótedi (25, 26, 27-slaid).
