"ÓKM Operatory" JShS syiǵa tartý sharty boiynsha memlekettik menshikke beriledi. Bul týraly ekologiia, geologiia jáne tabiǵi resýrstar ministrliginiń qaýly jobasynda aityldy, - dep habarlaidy Tengrinews.kz agenttigi.
ÓKM Operatorynyń qyzmetin toqtatý týraly qaýly "Ashyq NQA" saitynda jariialandy.
"Ecowaste Solution JShS men Muhtarova Shynar Oralǵazynqyzynyń syiǵa tartý sharty boiynsha "ÓKM Operatory" JShS-niń jarǵylyq kapitalyndaǵy úlesiniń 100 paiyzyn respýblikalyq menshikke berý týraly usynysy qabyldansyn", - delingen Qaýlyda.
Osy qujatta "Jasyl damý" AQ óndirýshilerdiń keńeitilgen mindettemeleriniń operatory bolyp belgilengeni týraly aitylǵan.
Buǵan deiin Úkimet kádege jaratý alymy esebinen qurylǵan aktivterdi memleket menshigine alyp, "ÓKM Operatoryna" qatysty Qaýly qabyldaǵany habarlandy. Sondai-aq, Memleket basshysy Qasym-Jomart Kemeluly Toqaevtyń tapsyrmasyn oryndaý aiasynda 2022 jylǵy 18 qańtarda Qazaqstan Respýblikasynyń Úkimeti "Qazaqstan Respýblikasynyń Ekologiia, geologiia jáne tabiǵi resýrstar ministrliginiń vedomstvolyq baǵynysty uiymdarynyń keibir máseleleri týraly" Qaýly qabyldanǵany aityldy.
