Túrkistan oblysynda qart áielderdi soqqyǵa jyqqan kúdikti ustaldy. Bul týraly "Ult aqparat" Túrkistan oblysynyń politsiia departamentine silteme jasap habarlaidy.
Departamenttiń baspasóz qyzmetiniń málimetine qaraǵanda, izdeý salynǵan kúdiktini ustaýǵa birneshe táýlik ketken.
«Keles aýdandyq politsiia bólimine aýrýhanaǵa eki áiel dene jaraqatymen jetkizilgeni týraly habarlama kelip tústi. Politsiia qyzmetkerleri jergilikti turǵyn ógei sheshesi men anasyn jaraqattap, qylmys ornynan boi tasalaǵanyn anyqtady. Atalǵan oqiǵa boiynsha Qylmystyq kodekstiń 107 jáne 149-baptary boiynsha sotqa deiingi tergeý bastalǵan. Birneshe táýlikten keiin jedel-izdestirý is-sharasynyń arqasynda kúdikti ustaldy. Oqiǵanyń mán-jaiy áli anyqtalýda. Kúdikti qamaýǵa alyndy. Sotqa deiingi tergeý júrgizilýde», - delingen departamenttiń baspasóz qyzmeti taratqan aqparatta.
Eske salsaq, Túrkistan oblysy Keles aýdanynda eki áieldi uryp-soqqan kúdiktige izdeý salynǵan bolatyn.
