Arada 8 jyl ótken soń balasy ákesiz óspeýi úshin Túrkistan oblysy, Shaian aýylynyń turǵynyna ekinshi ret turmysqa shyqqan.
"Men ony óz balasyndai jaqsy kóredi dep oiladym. Biraq, bári men oilaǵandai bolmady. Birde dúkenge baryp kelsem, qyzym únsiz, kóńil kúisiz otyr. Men ne bolǵanyn suradym, ol úndemeidi. Al jańa jyldyń aldynda joldasym ekeýmiz onyń synyptastaryna otyrysqa bardyq. Ol iship kelip, úide jalǵastyrdy. Osydan keiin ol meniń qyzymdy qorlai bastady. Men ony qorǵadym, ol meni uryp, basymdy qabyrǵaǵa soqty. Oianǵanda onyń qyzyma ne istegenin túsindim", - deidi Aqtolqyn.
Osy oqiǵadan keiin jumyssyz áke Aqtolqynnyń atynan 6 nesie rásimdegen. Uryp-soǵýyn jalǵastyryp, úiden shyǵarmai qoiǵan. Al qyzyna ógei ákesi udaiy qol kótergen. Áiel politsiiaǵa habarlasýǵa tyrysqanymen bári nátije bermegenin aitady. Qolaily sát týǵanda Aqtolqyn qyzymen birge týystaryna qashyp ketedi.
"Shymkentte turatyn aǵama keldim. Qyzym ekeýmizge ne bolǵanyn aitýǵa qoryqtym. Aǵama kúieýim maǵan 6 nesie rásimdep, tólemegenin aittym. Osydan keiin men birden daǵdarys ortalyǵyna keldim. Olar maǵan aryz jazǵyzyp, kúieýimdi 20 jyl temir torǵa otyrǵyzýǵa kómektesti", - deidi Aqtolqyn.
Daǵdarys ortalyǵynyń direktory Malika Júsipovanyń aitýynsha, ádildikke jetý ońai bolmaǵan.
"Protsess óte uzaqqa sozyldy, júike tozdy. Kóptegen túsinispeýshilikter boldy, olar isti jabýǵa tyrysty. Biraq, jaqsy zańgerdiń arqasynda ol 20 jyl laiyqty jazasyn aldy. Alǵashynda sot-meditsinalyq saraptamadan ol bas tartty. Ol bizge naqty málimet bermedi, biraq biz sot-meditsinalyq saraptama arqyly, ish kiim arqyly dáleldeýge qol jetkizdik. Olar shyndyqtyń dáleldengenin qalamady", – deidi daǵdarys ortalyǵynyń jetekshisi Malika Júsipova.
45 jastaǵy Aqtolqyn bir jyldan beri 14 jastaǵy qyzymen daǵdarys ortalyǵynda turyp jatyr. Áiel 6 nesieniń 3-eýin jaýyp, saǵatyna 300 teńge jalaqy alatyn saýda ortalyqtarynyń birine eden jýýshy bolyp jumysqa ornalasqanyn aitady. Búginde ol óz baspanasy bolǵanyn armandaidy, qyzynyń joǵary oqý oryndarynyń birine grantqa túsýi - negizgi armandarynyń biri.
