Almatyda ógei ákesinen taiaq jegen bala esin jimastan aýrýhanada qaitys boldy, dep habarlaidy "Ult aqparat".
«2 jastaǵy bala jansaqtaý bóliminde qaitys boldy, ol asa aýyr jaraqat alýyna bailanysty osy bólimge jatqyzylǵan bolatyn», - dedi qalalyq Qoǵamdyq densaýlyq basqarmasynyń baspasóz qyzmeti.
Aita ketý kerek, jantúrshigerlik oqiǵa týraly munyń aldynda jazǵan edik.
23 qyrkúiekte saǵat 16:00 shamasynda 2 jasar balanyń es-tússiz aýrýhanaǵa túskenin meditsina qyzmetkerleri politsiiaǵa habarlaǵan. Osyǵan bailanysty politsiia eń aldymen balanyń 34 jastaǵy ógei ákesinen suraq-jaýap alǵan. Basynda ol bala qulap qaldy degen ýáj aitty. Keiinnen tergeý barysynda uldy ógei ákesi urǵany anyqtaldy. Anyqtalǵanyndai, balanyń anasy ol kezde jumysta bolǵan. Jylaǵan balany jubata almaǵan ógei ákesi ony uryp-soqqan.
Erli-zaiyptylar azamattyq nekede turǵan. Osydan 1,5 ai buryn Almaty oblysynan qalaǵa kóship kelip, «Kókqainar» shaǵyn aýdanynda turyp jatqan.
«Qazir bul jantúrshigerlik oqiǵa boiynsha QR QK 106-babynyń 1-bólimimen qylmystyq is qozǵaldy. Kúdikti qamaýda otyr. Buryn ol birneshe ret urlyq úshin qylmystyq jaýapqa tartylǵan», - dedi Láila Álipbaeva.
