Almaty oblysynyń ákimdigi Uly Otan soǵysyndaǵy Jeńistiń 75 jyldyǵyna orai #eshkimdeeshteńedeumytylmaidy heshtegimen qazaq jáne orys tilderinde aktsiia-chellendj bastady. Joba sheńberinde oblys ákimi baspasóz qyzmetiniń «Instagram» áleýmettik jelisindegi ZhetysuPress resmi paraqshasynda osy sharaǵa qatysýǵa niet bildirgen oblys turǵyndarynyń beinequttyqtaýy jariialanýda. Búgingi kúnge beinerolikterdiń sany 50-den asty.
Bul joba jastardy patriottyq rýhta tárbieleýge, birliktiń mańyzyn nasihattaýǵa, soǵys ardagerleri men tyl eńbekkerlerine, sol zulmat soǵys jyldarynyń aýyrtpalyǵyn qaiyspai kótergen barsha jandarǵa alǵys bildirýge baǵyttalǵan. Shartyna sáikes atalǵan aktsiia-chellendjge oblystyń kez kelgen turǵyny qatysa alady. Niet bildirýshiler ardagerlerge alǵys aityp, Uly Jeńis kúnine orai quttyqtaý tilegin arnap, án salyp, óleń oqyp, soǵysqa qatysqan týystary týraly estelikter aitýda.
Oblys ákiminiń baspasóz qyzmetiniń málimetinshe, qazirgi kezde paraqshaǵa oblys turǵyndarynyń 50-den astam beinejazbasy ornalastyrylǵan, olardyń eń kishkentaiynyń jasy 4-5-terde. Beinerolikterdiń jalpy qaralymy 40 myńnan asty, 1 myńnan astam pikirler jazyldy, sonyń ishinde jekelegen rolikter 1700-den astam ret qaralǵan.
Beinequttyqtaýlar áli de kóptep túsýde, aktsiia 8 mamyrǵa deiin jalǵasady. Onyń qorytyndysy boiynsha eń kóp qaralym jinap, tanymaldyqqa ie bolǵan beinequttyqtaý 9 Mamyr kúni aktsiia-chellendjge belsene qatysqany úshin alǵys bildirilip, paraqshaǵa qaitalai ornalastyrylatyn bolady.
Almaty oblysy ákiminiń baspasóz qyzmeti.
