Oblys ákimderi Azyq-túlik korporatsiiasyna astyqty tolyq kólemde jetkizýi kerek. Bul týraly búgin Úkimet otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
21 qyrkúiektegi jaǵdai boiynsha Azyq-túlik korporatsiiasynyń resýrstaryna 119 myń tonna astyq jetkizildi. Budan bólek Azyq-túlik korporatsiiasynyń 426 myń tonna kólemindegi rezervtik astyq qory bar. Atalǵan astyq kólemi, qajet bolǵan jaǵdaida, ishki naryqty turaqtandyrý jáne azyq-túlik qaýipsizdigin qamtamasyz etý maqsatynda ishki naryqqa jiberiletin bolady», - dedi ministr.
Osyǵan bailanysty Erbol Qarashókeev Úkimet basshysy Asqar Maminnen oblys ákimderine Azyq-túlik korporatsiiasynyń resýrstaryna forvardtyq satyp alý aiasynda astyqty tolyq kólemde jetkizýdi tapsyrýyn ótindi.
«Egin jinaý jáne astyq qabyldaý jumystaryn júrgizý máselesi ministrliktiń turaqty baqylaýynda», - dedi ol.
