Qyrǵyzstan astanasy Bishkek qalasynda Ortalyq Aziia elderiniń múftileri ortaq memorandým qabyldady. Bul jaiynda Qazaqstan Musylmandary dini basqarmasynyń baspasóz hatshysy Aǵabek Qonarbaiuly Feisbýktegi paraqshasynda jazdy, dep habarlaidy "Ult aqparat".
Onyń jazýynsha, memorandýmǵa qol qoiý rásimine Qazaqstan Musylmandary dini basqarmasynyń tóraǵasy, Bas múfti Serikbai qajy Oraz, Ózbekstan Musylmandary dini basqarmasynyń tóraǵasy Osmanhan qajy Alimov, Qyrǵyzstan Musylmandary dini basqarmasynyń tóraǵasy Maqsatbek qajy Toqtamysov, Tájikstan Respýblikasynyń Ǵulamalar keńesiniń tóraǵasy Saidmýkarram Abdýkodirzoda qatysty.
«Qabyldanǵan qujatta Ortalyq Aziiada dini merekelerdi (Oraza, Qurban ait) bir kúnge belgileý, ortaaziialyq dini mektepti jańǵyrtý, ortaq salttar men dástúrli joralǵylardy damytý, dini ekstremizm men terrorizmniń aldyn alý, adamgershilik qundylyqtardy nasihattaý, tarihi ortaq nysandarǵa ziiarat jasaý, dini kitaptardy aýdarý jáne basqa da baǵyttar boiynsha yqpaldasyp qyzmet etý kózdelgen. Múftiler osy baǵyttarda birlese qyzmet etýge ýaǵdalasty», -dep jazady Aǵabek Qonarbaiuly.
