Qyzylorda qalasyndaǵy Nazarbaev Ziiatkerlik mektebiniń muǵalimi Muhtar Begaidarov mektep oqýshylary men muǵalimderge arnap jasaǵan matematikalyq saity Qaznette tanymaldylyǵy artýda. Bir aidyń ishinde júiege 23 000 belsendi qoldanýshy tirkelip, olar kontent mazmuny men qoljetimdiligine joǵary baǵa berýde, – dep habarlaidy NZM baspasóz qyzmeti.
Sait qurý ideiasy eki jyl buryn paida bolǵan eken. Qazaq tilindegi materialdardyń jetispeýshiligin baiqaǵan Muhtar matematika boiynsha oqýlyqtardyń elektrondy nusqalaryn bir veb-paraqqa jinaqtaýdy qolǵa aldy. Aldymen 600-den astam kitap, video-oqýlyqtar, ǵylymi maqalalar jáne taqyryptyq teoriialyq materialdar júktedi. Keiin áriptesteriniń keńesi boiynsha onlain-platformany túrli resýrstarmen jáne quraldarmen tolyqtyrdy. Saitta ádistemelik nusqaýlyqtan basqa, qorytyndy emtihanǵa daiyndalýǵa arnalǵan ártúrli test tapsyrmalary bar. Sonymen qatar, pán boiynsha bilimdi tekserýge arnalǵan olimpiadalyq bólim ashylǵan.
– Men saitty 2018 jylybastap ony. «NISmath» dep atadym. Ótken jylǵy túlek Arman Álisher sait logotipin jasaýǵa kómektesti. Taǵy bir oqýshy Nurbol Bijigit onyń mobildi nusqasyn ázirledi», – dedi Muhtar.
Oqyrmandar men sait paidalanýshylar geografiiasy kún saiyn artyp keledi. Alǵashqy jyldary platformany 1000-ǵa jýyq adam qoldansa, biyl bir ǵana aidyń ishinde júie 23000 belsendi qoldanýshyny tirkedi.
– Sait óte qoljetimdi jáne zamanaýi bilim berý baǵdarlamasyna beiimdelgen. Barlyq resýrstar tegin, bul paidalanýshylar úshin óte mańyzdy. Men óz tájiribemde oqýlyqtardy, tapsyrmalardy jii qoldanamyn. Sabaqtarda saittyń qosalqy qosymshalaryn paidalanamyn», – dedi Jazira Balabi, Túrkistan oblysyndaǵy aýyl mektebiniń muǵalimi.
Búginde «NISmath» kómegine elimizdiń pedagogtary men oqýshylary júginedi eken.
Muhtardyń bul avtorlyq jobasyn paidalanýshylar ǵana emes, sonymen qatar muǵalimder arasynda ótkiziletin dástúrli respýblikalyq bilim saiysynyń sarapshylary da joǵary baǵalady. Pedagogikalyq ideialar festivaliniń «Sheberlik palitrasy» bóliminde «nismath.org» internet-platformasy áriptesterdiń úlken qyzyǵýshylyǵyn týdyrdy, al jobany qorǵaǵan kezde qatysýshylardyń 100 paiyzy platformanyń belsendi qoldanýshylary bolyp shyqty. Baiqaý nátijesinde M.Begaidarovtyń matematikalyq saity taratýǵa jáne tájiribede qoldanýǵa laiyqty úzdik ideia dep tanyldy.
Aita ketý kerek, 2019 jylǵy qorytyndy attestattaýdyń nátijeleri boiynsha Muhtar Begaidarov shákirtteri matematika páni boiynsha joǵary ball jinap, jiyrma Ziiatkerlik mektep arasynda birinshi orynnan kórindi.
Bilim berý júiesin damytýǵa qosqan úlesi men pedagogikalyq qyzmettegi shyǵarmashylyq jetistikteri úshin Muhtar Bilim jáne ǵylym ministriniń Alǵys hatymen marapattaldy.
Muhtar Begaidarov – bos ýaqytynda óz bastamasy boiynsha mektep oqýshylary men muǵalimderge jańa bilimdi meńgerýge jáne matematikany baǵyndyrýǵa kómektesetin Syr óńirindegi eń tanymal eriktilerdiń biri.
Saitqa silteme: https://nismath.org/
