AQSh-tyń Niý-Iork qalasynda túrkitildes diasporalar ókilderiniń arasynda dóńgelek ústel ótti. Is-sharany Ázerbaijan Respýblikasy, Túrki keńesiniń Diasporalyq memlekettik komiteti uiymdastyryp, oǵan Qazaqstan Respýblikasy «Otandastar Qory» KEAQ jáne Dúniejúzi qazaqtar qaýymdastyǵy delegatsiiasy qatysty, dep habarlaidy "Ult aqparat" «Otandastar qoryna» silteme jasap.
Atap aitqanda, sharaǵa Túrki Keńesi Bas hatshysynyń orynbasary G.Gozalov, «Otandastar Qory» KEAQ Birinshi vitse-prezidenti T.Adýov, Ázerbaijan Respýblikasynyń Diasporamen jumys jónindegi memlekettik komitet tóraǵasynyń birinshi orynbasary V.Gadjiev, Qyrǵyz Respýblikasynyń Memlekettik kóshi-qon qyzmetiniń tóraǵasy B.Ibragimjanov, Qazaqstan Respýblikasynyń Bas konsýly J.Abdrashov, Túrkiia Respýblikasynyń Bas konsýly A.Aqtash jáne diasporanyń ortalyq mekemeleriniń basqa da laýazymdy tulǵalary men AQSh-ta turatyn Túrki keńesine múshe memleketter diasporalarynyń ókilderi qatysty.
Júzdesýde G.Gozalov qatysýshylarǵa Túrik keńesine múshe memleketter arasyndaǵy diasporalardyń yntymaqtastyǵy týraly habardar etip, 2019-2020 jyldary iske asyrylýy tiis sharalar jaiynda esep berdi. Sonymen qatar Túrki keńesine múshe memleketter diasporasy ortalyq mekemeleriniń laýazymdy tulǵalary shetelde turatyn óz
diasporalarymen jumys týraly baiandama jasaldy. Al AQSh-ta turatyn Túrki keńesine múshe memleketter diasporalary ókilderi óz qyzmeti týraly áńgimelep, turaqty yntymaqtastyqty nyǵaitý jáne ózara úilestirý joldaryn talqylady.
Budan bólek, taraptar úilestirilgen, keshendi jáne turaqty is-qimyldardy qamtamasyz etý maqsatynda olardyń ortalyq diaspora mekemeleri men diasporalar ókilderi arasyndaǵy yntymaqtastyqty jalǵastyrýǵa kelisti. Sondai-aq, Túrki keńesine múshe memleketter diasporasynyń ortalyq mekemeleri túrkitildes diaspora jastary úshin birlesken mádeni, bilim berý jáne sporttyq is-sharalar uiymdastyrýǵa ýaǵdalasty.
Dóńgelek ústelge qatysýshylar áigili ázerbaijan aqyny jáne Túrki mistikalyq aqyndarynyń biri Imadedin Nasimidiń 650 jyldyǵyna arnalǵan Mills teatryndaǵy kontsertti tamashalady.
