Niý-Iork meri Bill de Blazio jeksenbi kúni merzimi bitken komendanttyq saǵatty sozbaýǵa sheshim qabyldady, dep habarlaidy "Ult aqparat".
Bul týraly Bill de Blazio óziniń Twitter-degi paraqshasynda jazdy.
«Niý-Iork: biz komendanttyq saǵatty alyp tastaimyz, sheshim shuǵyl kúshine enedi. Keshe jáne túnde qalada jaǵdaidyń túzelgendigi baiqaldy», - dep jazdy ol.
Niý-Iork shtatynyń biligi 8 maýsymnan bastap koronavirýs pandemiiasyna bailanysty shekteýdi alyp tastaýdy josparlaǵan.
CNN telekompaniiasynyń derekterine qaraǵanda, keshe túnde megapoliýstegi demonstratsiia kezinde 10 adam, al senbige qaraǵan túni 270 adam ustalǵan.
Eske sala ketsek, bilik komendanttyq saǵatty AQSh-tyń shamamen 40 qalasynda engizgen edi.
