Niý-Iorkke sapar shekken ár adam ártúrli qyzyq oqiǵany bastan keshpei qoimaidy. Máselen, Niý-Iork stilindegi úlken pitstsa tiliminen dám tatý, Brýklin kópirinde serýendeý jáne de metroda órip júretin egeýquiryqtarmen «jaqyn tanysý». Olardyń esten ketpeitin sebebi, ár egeýquiryq mysyq siiaqty úlken.
CNN basylymynyń habarlaýynsha, uzaq jyldar boiy Niý-Iork metrosynda emin-erkin ómir súrgen egeýquiryqtardyń kózin joiý isi qolǵa alyndy. Ol úshin shelek-shelek alkogol ónimderi «kómekke kelmek».
Brýklin aýdanynyń prezidenti Erik Adams BAQ ókilderine egeýquiryqtardy qalai masaitatyndary týraly jan-jaqty túsindirdi. Ekomille dep atalatyn qurylǵy egeýquiryqtarǵa tamaq usynady, odan keiin alkogol toly shelekke túsetin jolmen júrgizedi. Árbir shelek 80 egeýquiryq syiatyn kólemde. Ýsyz alkogol ónimi egeýquiryqtyń esten tanýyna kepil eken.
Aita keterligi, 2017 jyly mer Bill De Blazio egeýquiryqtardan qalany tazartý úshin 32 million dollar turatyn jobany iske qosqan bolatyn. Degenmen, ol bul atalmysh tirshilik ielerin túbegeili joia almady.
