Niý-Iork metrosynda jolýshylardy atqylaǵan er adam qamaýǵa alyndy, dep habarlaidy QazAqparat Euronews aqparat agenttigine silteme jasap.
Politsiia 62 jastaǵy Frenk Djeimsti Manhettenniń Ist-Villidj aýdanynda ustady.
Brýklinniń ońtústigindegi 36-shy kóshedegi metro stantsiiasynda tańerteńgi qarbalas ýaqytta atys bolyp, saldarynan ondaǵan adam jaraqat alǵan.
«Niý-Iork politsiiasynyń júzdegen detektivi sońǵy 30 saǵat ishinde kóp jumys atqardy. Olar FTB, Lańkestikke qarsy birlesken ortalyq, Niý-Iork politsiiasynyń qarý qoldanylǵan qylmystardy barlaý ortalyǵy jáne AQSh marshaldary basqaratyn aimaqtyq jumys tobyn qosa alǵanda, quqyq qorǵaý salasyndaǵy áriptesterimizben birlesip jumys istegen. Biz ony qorshap aldyq. Qashatyn jeri bolmady», - dep málim etti Niý-Iork politsiiasynyń komissary Kichant Siýell.
Politseiler kúdiktiniń áleýmettik jelide ádepsiz sózderge toly jazbalaryn tekserip, osyndai áreket jasaýynyń sebebin anyqtaýǵa tyrysyp jatyr.
Djeims shabýyldan bir kún buryn YouTube saitynda jariialanǵan bir videoda qara násildilerge qarsy qylmystardy synap, oǵan shara qoldaný keregin aitady.
