Niý-Iork politseileri Brýklin aýdanyndaǵy kóshelerdiń birinde, jerleý biýrosynyń janynda turǵan tórt júk kóliginen 60-qa jýyq adamnyń múrdesin tapty, dep habarlaidy SNN.
Quqyq qorǵaý organdarynyń aitýynsha, júk kóliginiń bireýinde salqyndatý júiesi bolmaǵan. Politsiiaǵa jergilikti turǵyndar shaǵymdanǵan.
Telearnanyń habarlaýynsha, jerleý biýrosynda denelerdi krematsiia aldynda saqtaý úshin oryn jetispegen. Qalanyń densaýlyq saqtaý basqarmasy osy oqiǵaǵa qatysty málimdeme jasap, jerleý biýrolarynyń ieleri sanitarlyq sharalardy saqtaýy kerek ekenin aitty.
Qala biligi salqyndatý júiesi bar arnaiy kólik bólgen. Máiitter sol kólikke aýystyrylady.
