Búgin Palata spikeri Nurlan Nyǵmatýlinniń tóraǵalyǵymen Májilis Biýrosy ótip, onda aldaǵy jalpy otyrystyń kún tártibiniń jobasy naqtylandy, dep habarlaidy "Ult aqparat" Májilistiń baspasóz qyzmetine silteme jasap.
Depýtattar qaraýyna oiyn biznesi máselelerine qatysty zań jobasy I oqylymda usynyldy. Qujat qumar oiyndar salasyndaǵy zańnamadaǵy olqylyqtardy joiýǵa, sondai-aq býkmekerler men lotereialardyń qyzmetin baqylaýdyń tiimdiligin arttyrýǵa baǵyttalǵan.
Biýro otyrysynda Halyq densaýlyǵy jáne densaýlyq saqtaý júiesi týraly kodeksi jáne Azamattyq protsestik kodeksine sottar jumysyna zamanaýi formattaryn endirý, artyq sot rásimderi men shyǵyndaryn qysqartý máselelerine qatysty zań jobalary II oqylymda qaraý usynyldy.
Sonymen qatar EEO pen Qytai kedendik shekaralary arqyly ótkiziletin halyqaralyq tasymaldaǵy taýarlar men kólik quraldary jóninde aqparat almasý týraly kelisim týraly ratifikatsiialyq zań jobasy qarastyryldy.
Sondai-aq, otyrysta Májilistiń salalyq komitetteri birqatar jańa zań jobalaryn jumysqa aldy. Olar qaldyqtardy energetikalyq kádege jaratý jáne TMD qatysýshy memleketterdiń iadrolyq avariia nemese radiatsiialyq avariialyq ahýaldyń týyndaý jaǵdaiyna daiyndyqty jáne olardyń zardaptaryn joiý kezindegi ózara kómekti qamtamasyz etý týraly kelisimderge qatysty zań jobalary.
