Májilis tóraǵasy Nurlan Nyǵmatýlin azamattyq qoǵamnyń qorshaǵan ortany qorǵaýǵa qatysýynyń ashyq tetikteriniń qajettigine nazar aýdardy, dep habarlaidy Parlament Májilisiniń baspasóz qyzmeti.
Búgin jalpy otyrysta depýtattar «Kaspii teńiziniń teńiz ortasyn qorǵaý jónindegi negizdemelik konventsiiaǵa Kaspii teńizin jerústi kózderinen jáne qurlyqta júzege asyrylatyn qyzmet nátijesinde lastanýdan qorǵaý jónindegi hattamany ratifikatsiialaý týraly» zań jobasyn maquldady.
Hattamanyń maqsaty - Kaspii teńiziniń jerústi kózderinen jáne qurlyqta júzege asyrylatyn qyzmet nátijesinde lastanýyn bolǵyzbaý, azaitý, baqylaý jáne barynsha múmkin bolatyn joiý bolyp tabylady.
Osyǵan orai, depýtattar Ekologiia, geologiia jáne tabiǵi resýrstar ministrligine halyqtyń Kaspii teńizin qorǵaý jónindegi is-sharalarǵa qatysý tetikteri týraly máseleni qoidy.
Nurlan Nyǵmatýlinniń aitýynsha, jer qoinaýyn paidalanýshylardyń kelisimsharttarynda kórsetilgen barlyq ekologiialyq mindettemeleri boiynsha tolyq jáne senimdi aqparat qoǵamnyń Kaspii teńizin qorǵaýǵa da, jalpy qorshaǵan ortany qorǵaýǵa da qatysýy úshin basty shart bolyp tabylady.
Palat Spikeri bul qoǵamnyń Kaspii teńizin qorǵaýǵa da, jalpy qorshaǵan ortany qorǵaýǵa da qatysýynyń basty sharty ekenin aitty.
Jalpy alǵanda, Hattamada lastaný kózderin baqylaý jónindegi sharalarǵa negizdelgen óńirlik jáne ulttyq baǵdarlamalardy nemese is-qimyl josparlaryn qabyldaý kózdeledi.
