Májilis Tóraǵasy Nurlan Nyǵmatýlin jańa Ekologiialyq kodeks, eń aldymen, qazaqstandyqtardyń ómir súrý sapasyn arttyrýǵa yqpal etýi tiis. Bul týraly Palata Spikeri búgin Májiliste ótken Ekologiialyq kodeks jobasyn talqylaý barysynda aitty, dep habarlaidy "Ult aqparat".
Májiliske kelip túsken jańa Ekologiialyq kodekstiń eń ózekti máselelerin talqylaýǵa memlekettik organdardyń, «Atameken» UKP-nyń, iri otandyq kásiporyndardyń basshylary, ekolog-sarapshylar, sondai-aq azamattyq qoǵam ókilderi qatysty.
Májilis Tóraǵasy Nurlan Nyǵmatýlin Memleket basshysynyń Qazaqstandaǵy ekologiialyq jaǵdaidy jaqsartý úshin erekshe nazar aýdarǵanyna toqtaldy.
Talqylaý barysynda jańa Ekologiialyq kodeks jobasynyń eń ozyq qoljetimdi tehnologiialardy engizý shartymen I sanattaǵy obektiler úshin keshendi ekologiialyq ruqsattarǵa kóshý siiaqty normasyna erekshe nazar aýdaryldy.
Zań jobasyn ázirleýshilerdiń pikirinshe, tehnologiialyq protsesterdi jańǵyrtý qorshaǵan ortaǵa emissiiany tómendetýge múmkindik beredi. Kásiporyndar úshin yntalandyrý sharalary retinde kásiporyndardy qoljetimdi tehnologiialar engizilgen jaǵdaida ekologiialyq tólemderden bosatý, kerisinshe jaǵdaida emissiia úshin tólemderdi birtindep arttyrý usynylady.
Osyndai normanyń qajettiligimen kelise otyryp, Májilis depýtattary obektivti sebepter boiynsha 10 jyl ishinde qoljetimdi tehnologiialardy engizýge bólinetin kásiporyndarǵa qatysty jekelegen kórsetkishter boiynsha belgilengen normativterge qol jetkizý máselesin kóterdi. Al qoljetimdi tehnologiialardy engizý boiynsha mindettemeler oryndalmaǵan jaǵdaida barlyq jyldar úshin tólenbegen ekologiialyq tólemder túrinde arttyrý koeffitsientteri men ósimaqylary bar aiyppul sanktsiialary kózdeledi.
«Birinshiden, jańa tehnologiialardy engizý qajet. Ol durys. Bul qazirgi zamannyń talaby. Ekologiialyq máselelerdi sheshý úshin de ol qajetti nárse. Osy jobaǵa 10 jyl ýaqyt beriledi. Degenmen, ómirde ártúrli jaǵdailar bolady. Mysaly, kásiporyn jańa qoljetimdi tehnologiiany engize bastady, biraq, obektivti sebeptermen jumystar áli aiaqtalǵan joq. Endi oǵan 10 jyldyń aiyppuldary salynatyn bolsa, onda ony qalai tóleidi? Sonymen birge, bul suraqtyń áleýmettik jaǵy taǵy bar», - dedi Nurlan Nyǵmatýlin.
Májilis Tóraǵasy buny bir kúnniń máselesi emes ekenin, qoljetimdi tehnologiialardy engizýdi yntalandyrý normalary kásiporyndardy tehnologiialyq qaita jaraqtandyrýǵa yqpal etýi tiis ekenin atap ótti. Munyń bári Ekonomikalyq yntymaqtastyq jáne damý uiymy (EYDU) standarttaryna qol jetkizýge baǵyttalǵan.
Májilis depýtattary sondai-aq usynylyp otyrǵan normaǵa qatysty máseleni kóterdi, oǵan sáikes bizdiń elde EýrAzEQ tehnikalyq reglamentiniń talaptaryna sáikes kelmeitin kólik quraldaryn óndirýge jáne paidalanýǵa tyiym salynady.
Osy jaǵdaiǵa Májilis depýtattary alańdaýshylyq bildirdi. Sebebi, budan aýyl turǵyndary zardap shegýi múmkin. Óitkeni olardyń kópshiligi áli kúnge deiin eski aýyl sharýashylyǵy tehnikasyn paidalanady.
Statistikaǵa sáikes, elde paidalaný merzimi 15 jyldan asatyn traktorlardyń 82%-y jáne kombaindardyń 65%-y bar. Barlyq aýyl sharýashylyǵy tehnikasy parkiniń tek 30%-y ǵana zamanaýi talaptarǵa sáikes keledi.
Májilis Spikeriniń pikirinshe, bul normany aýyl turǵyndaryna qolaisyzdyq týdyrmaýy úshin muqiiat pysyqtaý qajet.
Otyrys barysynda depýtattar ekologiialyq saqtandyrý máselesin de kóterdi. Bul tek I sanattaǵy obektiler úshin mindetti bolady dep kózdeledi. Sonymen qatar, elimizde sharýashylyq jáne ózge de qyzmettiń ekologiialyq qaýipti túrleri sanatyna jatatyn II sanattaǵy 2 myńnan astam obekt jáne III sanattaǵy 3 myńnan astam obekt bar.
Nurlan Nyǵmatýlinniń pikirinshe, bul nysandardy ekologiialyq saqtandyrýmen de qamtý kerek.
Talqylaýdy qorytyndylaǵan Májilis Tóraǵasy búgingi otyrystyń óz maqsatyna jetkenin alǵa tartty.
«Ekologiialyq kodeks ol - árbir adamnyń ómirine, jalpy elimizdiń damýyna tikelei qatysy bar qujat. Sondyqtan, jańa kodekste qorshaǵan ortaǵa ziian keltirmeý, baqylaýdy kúsheitý, tiisti shara qoldaný boiynsha mańyzdy normalar engizildi. Sonymen birge, zamanǵa sai, jańa tehnologiialar paidalanýǵa da basa nazar aýdaryldy. Olardyń barlyǵy Memleket basshysy alǵa qoiǵan mindetterdi oryndaýǵa jáne ekologiiany kúsheitýge jańa serpin beretini, árine, sózsiz» – dedi ol.
