Májilis tóraǵasy Nurlan Nyǵmatýlin Prezidenttiń Qazaqstanda tótenshe jaǵdai engizýin– qazaqstandyqtardyń qaýipsizdigin qamtamasyz etýdi kúsheitý úshin qajetti shara dep sanaidy, dep habarlaidy "Ult aqparat" vedomstvonyń baspasóz qyzmetine silteme jasap.
Nurlan Nyǵmatýlinniń pikirinshe Memleket basshysynyń qolǵa alǵan sharalary koronavirýs infektsiiasynyń taralýyna jol bermeýge baǵyttalǵan.
«Prezidenttiń bastamasymen Qazaqstanda tótenshe jaǵdai jariialandy. El basshylyǵy tarapynan qabyldanǵan keshendi sharalar azamattardyń densaýlyǵy men ómirin qorǵaýǵa baǵyttalǵan. Ýaqytsha shekteý elimizde koronovirýstyń taralýyna jol bermeý úshin qajet», dep jazdy Nurlan Nyǵmatýlin Twitter-degi paraqshasynda.
Májilis spikeriniń aitýynsha, jaǵdai baqylaýǵa alynǵan, alańdaýǵa negiz joq.
Nurlan Nyǵmatýlin qazaqstandyqtar óz densaýlyǵyna barynsha mán berip, ainaladaǵylardyń qaýipsizdigin qamtamasyz etý úshin barlyq sharalardy saqtai otyryp qazirgi jaǵdaiǵa joǵary jaýapkershilikpen qaraidy dep senim bildirdi.
