Búgin Májilis Spikeri Nurlan Nyǵmatýlinniń tóraǵalyǵymen ótken jalpy otyrysta depýtattar dene shynyqtyrý jáne sport máselelerine qatysty zań jobasyn maquldady, dep habarlaidy tómengi palatanyń baspasóz qyzmeti.
Nurlan Nyǵmatýlin zań jobasynyń mańyzdylyǵyn alǵa tarta kele: «Osy buqaralyq sportty damytý - bizdiń bolashaǵymyz úshin, onyń ishinde, jastarymyz úshin óte mańyzdy. Sebebi, búgingi osy elimizdiń abyroiyn kóterip júrgen olimpiada jáne álem chempiondary buqaralyq sporttan shyqty. Ásirese, boks pen kúres chempiondary aýyldan shyqqanyn bilemiz. Sondyqtan, sport nusqaýshylarynyń jalaqysyn kóterý, olardyń jumystaryn uiymdastyrý Sport ministrliginiń basty mindetteriniń biri bolý kerek», - dedi.
Engizilgen jańa normalar buqaralyq sportty damytyp, dene shynyqtyrý jáne sport salasynda kórsetiletin qyzmetterdiń sapasyn arttyrýǵa múmkindik beredi.
Zań jobasynda júrip-turýy shekteýli adamdardyń dene shynyqtyrýmen ainalysýyna múmkindik beretin normalar da qarastyrylǵan.
Sondai-aq, dárigerlik-dene shynyqtyrý dispanserlerin qurý, bilim berý baǵdarlamalaryna ulttyq sport túrleri boiynsha mindetti shartty engizý usynylady. Bul normalar dene shynyqtyrý jáne sport salasynda kórsetiletin qyzmetterdiń sapasyn arttyrýǵa múmkindik beredi.
