Qazirgi ýaqytta Májilis qaraýyna engizilgen «Densaýlyq týraly» kodeks jobasy Palata Tóraǵasy Nurlan Nyǵmatýlinniń Shyǵys Qazaqstan oblysy jurtshylyǵymen kezdesýde áńgime ózegine ainaldy, dep habarlaidy "Ult aqparat" tómengi palatanyń baspasóz qyzmetine silteme jasap.
Talqylaý Májilis Tóraǵasynyń óńirge sapary barysynda Semei qalasyndaǵy jedel meditsinalyq kómek aýrýhanasynda ótti.
Nurlan Nyǵmatýlin óz sózinde Kodekstiń jańa jobasy elimizde meditsinalyq qyzmet kórsetýdiń sapasy men qoljetimdiligin arttyrýǵa aitarlyqtai úles qosý kerektigin atap ótti.
Zań jobasynda aýrýlardyń aldyn alý, dárigerge deiin jáne dárigerlik kómek kórsetý deńgeiin anyqtaý, sondai-aq transplantologiialyq jańa qadamdarǵa qatysty kóptegen máseleler qarastyrylǵan. Májilis tóraǵasy atap ótkendei, qazirgi ýaqytta Palata qaraýyndaǵy úkimettik nusqa depýtattardyń aimaqtarǵa sapary barysynda túrli ortalarda jan-jaqty talqylanýda.
Negizgi jumys quramyna Májilis depýtattary, memlekettik organ ókilderi, sarapshylar, MEU músheleri, meditsinalyq qyzmetkerler qamtylǵan jumys tobynda tiianaqty qolǵa alynýda.
Búgingi dárigerler ǵana emes, mektepter men bala baqshalar basshylary, psihologtar men qoǵamdyq uiym músheleri qatysqan basqosýda transplantologiia, aldyn alý ekpeleri, skriningtik zertteýler basqa da ózekti máseleler talqylandy.
Májilis tóraǵasy bul qujat týraly qorytyndy jasaýǵa áli erte ekenin, barlyq usynys-pikirler eskerile otyryp, halyqqa qajetti, sapaly zań qabyldanatynyn atap ótti.
