Búgin Palata Spikeri Nurlan Nyǵmatýlinniń tóraǵalyǵymen xótken Májilistiń jalpy otyrysynda Ákimshilik rásimdik-protsestik kodeks jobasy jáne oǵan ilespe zań jobasymen birinshi oqylymda maquldandy, dep habarlaidy "Ult aqparat".
Jalpy otyrysta Májilis depýtaty Narine Mikaelian Tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbekke tsifrlandyrýdy belsendi jyljytý jaǵdaiynda ákimshilik ádiletti engizýge qatysty memlekettik tilde birqatar suraqtar qoidy.
Degenmen Májilis Tóraǵasy memlekettik tilde qoiylǵan suraqqa qazaq tilinde jaýap bermegen Tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbekti synǵa aldy.
- Árine, bizde aýdarma bar. Osy zalda otyrǵan árbir azamatqa qai tilde sóileimin dese de jaǵdai jasalǵan. Biraq ta basqa ulttyń azamattary qazaq tilinde sairap turǵanda, Sizdiń memlekettik tilde jaýap bermegenińiz durys emes - dedi, Nurlan Nyǵmatýlin.
Kodeks jobasynyń negizgi maqsaty – azamattarǵa basqarýshylyq sheshimderdi qabyldaý protsesine naqty qatysýǵa múmkindik beretin kepildikterdi bekitý jáne bilik organdarymen birge joǵary turǵan organ men sotta daýlardy qaraý kezinde azamattardyń quqyqtaryn qorǵaýdyń tiimdi tetikterin belgileý bolyp tabylady.
