Búgin Májilis Spikeri Nurlan Nyǵmatýlinniń tóraǵalyǵymen Palata Biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" Májilisitiń baspasóz qyzmetine silteme jasap.
Biýro otyrysynda depýtattar qaraýyna balanyń quqyqtaryn qorǵaý máselelerine qatysty zań jobasyn birinshi oqylymda qaraý usynyldy.
Qujat balalar múddesi úshin zańnamany jetildirý, sondai-aq Bala quqyqtary týraly konventsiianyń erejelerin Qazaqstan Respýblikasynyń oryndaýy týraly tórtinshi kezeńdik baiandamany qorǵaý qorytyndylary boiynsha B¥¥ Bala quqyqtary jónindegi komitetiniń usynymdaryn iske asyrý maqsatynda jáne «Balaǵa meiirimdi Qazaqstan» atty eki halyqaralyq konferentsiianyń qorytyndylary boiynsha daiyndalǵan usynymdar sheńberinde ázirlendi.
Atalǵan zań jobasynda sáikes, qylmystyq, ákimshilik quqyq buzýshylyq týraly jáne eńbek kodeksterine, sondai-aq, taǵy basqa da birqatar zań jobalaryna túzetýler engizilý usynylady.
Sonymen qatar, kún tártibiniń jobasynda «Qazaqstan Respýblikasynyń keibir zańnamalyq aktilerine memlekettik basqarý deńgeileri arasynda ókilettikterdi qaita bólý máseleleri boiynsha ózgerister men tolyqtyrýlar engizý týraly» zań jobasyn ekinshi oqylymda qaraý usynylmaq.
