Búgin Májilis Spikeri Nurlan Nyǵmatýlinniń tóraǵalyǵymen ótken jalpy otyrysta depýtattar Eýraziialyq ekonomikalyq odaq týraly shartqa Qyrǵyzstannyń qosylýyna qatysty birqatar túzetýler engizetin halyqaralyq kelisimderdi qarady, dep habarlaidy "Ult aqparat".
Osy rette, Májilis Tóraǵasy Nurlan Nyǵmatýlin halyqaralyq sharttardy ratifikatsiialaý rásimderiniń merzimderi keibir ministrlikter tarapynan júieli túrde buzylatynyna nazar aýdardy.
Mysaly, Eýraziialyq ekonomikalyq odaq sheńberinde osy mańyzdy ratifikatsiiany kelisýdiń memleketishilik rásimderin ótkizý bir jyldam astam ýaqytqa sozylǵan.
Osy oraida, Nurlan Nyǵmatýlin, árine, koronavirýs indetin alǵa tartýǵa bolar, biraq ol bizdiń elde ǵana emes, búkil álemdi jailaǵanyn aita kelip:
- Pandemiia ministrlikter jumysynyń qarqynyn, sapasyn jáne jaýapkershiligin tómendetýge sebep bolmaýǵa tiis. Bul jerde basty másele, quzyrly ministrlikter men qurylymdardyń birlesken jumysyna bailanysty. Jalpy aitqanda, halyqaralyq kelisimderdi ýaqytyly ratifikatsiialaý integratsiialyq protsester úshin óte mańyzdy, - dedi Nurlan Nyǵmatýlin.
