Búgin Parlament Májilisiniń tóraǵasy Nurlan Nyǵmatýlin Estoniianyń Premer-Ministri Iýri Ratas bastaǵan delegatsiia ókilderimen kezdesti, dep habarlaidy "Ult aqparat" Májilistiń baspasóz qyzmetine silteme jasap.
Taraptar ekijaqty qarym-qatynasty nyǵaitýdyń ózekti suraqtaryn talqylady.
Májilis tóraǵasy Estoniia Qazaqstannyń Baltyq aimaǵyndaǵy mańyzdy áriptesi ekenin alǵa tarta kelip, ótken jyly eki el arasynda diplomatiialyq qatynastyń ornaǵanyna 25 jyl tolǵanyn atap ótti.
Bizdiń elimiz atalǵan memleketpen jan-jaqty ári syndarly dialogty odan ári damytýǵa yntaly.
Májilis tóraǵasy ásirese, Qazaqstan Prezidenti Nursultan Nazarbaevtyń bastamasymen júzege asyrylyp jatqan «Tsifrly Qazaqstan» baǵdarlamasyna airyqsha toqtaldy.
Osy rette Estoniianyń tsifrlandyrý, aqparattyq-kommýnikatsiialyq tehnologiia salasyndaǵy jetistikterin sóz etken N. Nyǵmatýlin osy baǵytta jan-jaqty, sonyń ishinde, zańnamalyq deńgeide tájiribe almasýdyń mańyzdylyǵyna erekshe kóńil bóldi.
Óz kezeginde Estoniia Premer-Ministri Qazaqstannyń, sonyń ishinde, Astananyń damý qarqynyna tańdanysyn jasyrmady. Sondai-aq, bizdiń elderimizdiń ózara is-qimyly tabysty damyp kele jatqanyn aita kelip, ekijaqty qatynasty odan ári nyǵaitýdyń áleýeti zor ekenine toqtaldy.
Odan ári Palata spikeri Májilistiń zań shyǵarý jumysy jaiynda áńgimelei kelip, parlamentaralyq bailanysty kúsheitý máselelerine toqtaldy.
