Búgin Nurlan Nyǵmatýlinniń tóraǵalyǵymen ótken jalpy otyrysta biýdjet zańnamasyn jetildirýge baǵyttalǵan túzetýler birinshi oqylymda maquldandy, dep habarlaidy "Ult aqparat" Baq.kz aqparat agenttigine silteme jasap.
Talqylaýdy qorytyndylai kele, Májilis spikeri zań jobasynyń biýdjet shyǵystarynyń tiimdiligin túbegeili arttyrýǵa jáne biýdjettik rásimderdi ońailatýǵa baǵyttalǵanyn alǵa tartty.
«Bizge naqty nátije kerek. Turǵyn úiler, mektepter, bala-baqshalar, aýrýhanalar salý qajet. Sonda ǵana Elbasynyń ekonomikany damytýǵa, azamattardy jumyspen qamtýǵa jáne halyqtyń ál-aýqatyn arttyrýǵa jumys isteý kerektigi jónindegi tapsyrmasyn júzege asyramyz», - dedi N. Nyǵmatýlin.
Zań jobasynda biýdjettik baǵdarlamalardy iske asyrýdy ońailatý jáne memlekettik organdardyń derbestiligin arttyrý, esepke jazý ádisimen biýdjetteýdi birtindep engizý, memlekettik jáne memleket kepildik bergen boryshty retteýdi kúsheitý, IT-jobalaryn, memlekettik organdardyń aqparattyq júielerin qurý, damytý úshin qajetti qujattamany daiyndaý rásimderin ońailatý baǵyttary boiynsha túzetýler qamtylyp otyr.
