Májilis tóraǵasy Nurlan Nyǵmatýlin biýdjet qarjysyna qatysty qýlyq áreketterge jol bermeý kerektigin qadap aitty, dep habarlaidy QazAqparat.
Atap aitqanda, búgin Májilistiń jalpy otyrysynda 2016 jylǵy respýblikalyq biýdjettiń atqarylýy týraly esepterdi talqylaý barysynda memlekettiń qarajatyn tiimdi igerýdiń jaýapkershiligi máselesi kóterildi.
N. Nyǵmatýlinniń atap ótýinshe, keibir kvazimemlekettik sektordyń sýbektileri óz shottarynda qomaqty qarjy bola tura, aldaǵy qarjylyq jylǵa alatyn biýdjettik qarjynyń kólemin saqtap qalý úshin qosymsha milliardtaǵan somany suraýdy jalǵastyrýda.
Sonymen qatar memlekettik organdar olarǵa qoldaý jasaýda.
«Memlekettik qarjyny aýdarǵany úshin eshqandai jaýapkershilik bolmai tur. Osy oraida biýdjettik qarjyǵa qatysty aila-sharǵy jasaýdy doǵarý kerek. Iaǵni jyl sońyna qarai bul qarajattyń igerilmeýi qaýpi týyndaǵanda osy jumsalmaǵan qarjyny kvazimemlekettik sektordyń shotyna aýdarý nemese ulttyq kompaniialardyń enshiles uiymdarynyń jarǵylyqty kapitalyn toltyrýǵa baǵyttaý bastalady», - dep eskertti N. Nyǵmatýlin.
Sóz sońynda Májilis tóraǵasy qarastyrylǵan qarjy shyn máninde eldiń ekonomikasyna jumys isteýi úshin kvazimemlekettik sektordy qarjylandyrý tetigin ózgertýdi jáne biýdjettik baǵdarlamalar ákimshileriniń jaýapkershiligin arttyrýdy qamtityn qadamdardy pysyqtaý kerektigin atap ótti.
