Búgin ǵana májiliste ant bergen depýtat Nurjan Áltaevtyń pikirinshe, Qazaqstanda bir balany 20 myń teńgege asyraýǵa bolady, dep habarlaidy Sputnik Qazaqstan tilshisi.
Aita ketsek, búgin májilistiń jalpy otyrysynda burynǵy eńbek jáne halyqty áleýmettik qorǵaý vitse-minitri Nurjan Áltaevtyń depýtat bolyp sailanǵany belgili boldy.
Májilis kýlýarynda jýrnalister sý jańa depýtattan eńbek ministrliginen nege dál osy qiyn ýaqytta ketip qalǵanyn surady. Áltaev munyń tek sáikestik ekenin, depýtattar qataryna baiaǵydan qosylǵysy kelip júrgenin ashyq aitty.
"Alǵash ret májilis depýtattyǵyna 2004 jyly úmitker boldym, ol kezde eldegi eń jas kandidat men edim. Ókinishke qarai, ótpei qaldym. Ekinshi ret sailaýǵa 2016 jyly qatystym. Sol kezde "Nur Otan" partiiasynan depýtattyqqa kandidattar tizimine kirip, rezervte turdym", - dedi ol kýlýarda.
Sondai-aq, BAQ ókilderi Áltaevtan eldegi kóp balaly otbasylardy qoldaý máselelerin qalai sheshýge bolady dep surady.
"Eger únemdese, aiyna bir balaǵa 20 myń teńge jetkilikti dep oilaimyn. Menińshe, bul múmkin", - dedi májilismen.
Buǵan qosa, Áltaev depýtat retinde aiyna qansha jalaqy alatynyn áli bilmeitinin málimdedi. Depýtattardyń baspanasyna qonys aýdarmaǵan, jalǵa alǵan eki bólmeli páterde turady eken.
