Foto: facebook.com/Nýrjan Altaev
Antikor Eks-vitse-ministr, burynǵy Májilis depýtaty Nurjan Áltaevtyń qandai kúdikke ilingenin aitty, - dep habarlaidy "Ult aqparat".
Agenttik málimetinshe, 7 maýsymda Sybailas jemqorlyqqa qarsy qyzmet jasyryn is-sharalar kesheniniń nátijeleri boiynsha eks-vitse-ministr N.B. Áltaevty asa aýyr jemqorlyq qylmys jasady degen kúdik boiynsha ustaǵan.
"N.B. Áltaev Eńbek jáne áleýmettik qorǵaý vitse-ministri, keiinnen QR Parlamenti Májilisiniń depýtaty retinde júieli negizde «Atameken» Ulttyq Kásipkerler palatasynyń Basqarma tóraǵasy A.I. Myrzahmetovten asa iri mólsherde para aldy dep kúdiktenedi.
Ol 2018-2020 jyldar kezeńinde jaýapty memlekettik laýazymdardy atqara otyryp, A.I. Myrzahmetovtiń múddesi úshin áreket etip, onyń uiymyna memlekettik tapsyrystardy alýyna yqpal etip, jalpy qamqorshylyq kórsetken.
N.B. Áltaev Astana qalasy politsiia departamentiniń ýaqytsha ustaý izoliatoryna qamaldy. Tergeý jalǵasyp jatyr", - delingen habarlamada.
QR QPK 201-babyna sáikes tergeý múddesi úshin ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
