Qazaqstandyq boksshy Nurzat Sabyrov (9-0, 8 KO) kásibi ringte onynshy jekpe-jegin ótkizdi. Ol Tetfor Mindegi (Kanada) boks keshi aiasynda óner kórsetti, dep habarlaidy Sports.kz.
Sabyrovtyń qarsylasy jeńilip kórmegen majarstandyq boksshy Laslo Tot (7-0, 6 KO) boldy. On raýndtyq aiqas «sýperorta» salmaqta ótti. Ekinshi raýndtyń basynda Nurzat qarsylasyn nokaýtqa túsirip, jeńimpaz atandy. Bul onyń kásibi ringtegi onynshy jeńisi, al Majarstannan kelgen boksshy mansabynda alǵash ret jeńilis tapty.
Eske salaiyq, Nurzat Sabyrov 2017 jyldan bastap kásipqoi boksta óner kórsetip keledi.
