Eńbek jáne halyqty áleýmettik qorǵaý ministri Birjan Nurymbetov múgedekterdi ońaltý qyzmeti boiynsha otandyq júieniń bir kemshiligin atap, bul baǵytta naqty qandai ózgeris engeli jatqanyn aityp berdi, dep habarlaidy QazAqparat.
«Nur Otan» partiiasynyń respýblikalyq qoǵamdyq qabyldaýynda Eńbek jáne halyqty áleýmettik qorǵaý ministri múgedekterdi ońaltý júiesine enetin jańashyldyqtar týraly sóz qozǵady.
«Bizde múgedekterdi ońaltý qyzmetimen qamtamasyz etý júiesi mynadai: múgedek adamda tańdaý múmkindigi joq, oǵan kúshtep tańý úrdisi qalyptasyp qalǵan. Mysaly, múgedekter arbasy bolsyn, basqa da ońaltý quraldary tańdaý quqyǵynsyz beriledi. Memlekettik satyp alý júrgizilgennen keiin tasymaldaýshy sony jeńip alady da, minekei, osyny alyńyz dep bere salady. Sol úshin jumystyń barlyq baǵytyn júieli túrde ózgertip jatyrmyz. Iaǵni, aldaǵy ýaqytta elimizde qyzmet portaly iske qosylady. Memlekettik satyp alýdan onyń bárin alyp tastap, tasymaldaýshynyń kóp bolǵanyn, múgedekterde tańdaý múmkindigi bolatyndai júie jasap jatyrmyz. Iaǵni, múgedek jandar tańdaý quqyǵyna ie bolýy kerek», - dedi Birjan Nurymbetov.
Ministrdiń sózine sensek, bul júie 2020 jyly kúshine enedi.
«Jalpy, biz bul baǵytta jumysty kúsheitýdi josparlap otyrmyz», - dedi ol.
