Senator Nurtóre Júsip Premer-Ministrdiń atyna joldaǵan depýtattyq saýalynda jýrnalisterdiń mártebesin zańnamalyq kóterý qajettiligin kóterdi, dep habarlaidy "Ult aqparat".
Depýtattyń aitýynsha, jýrnalistiń qoǵamdaǵy orny zań júzinde anyqtalmaǵan. «BAQ týraly» Zańda jáne elimizdiń Eńbek kodeksinde jýrnalisterdiń mártebesi men kepildikteri týraly baptar joq. Salalyq zańda jýrnalisterdiń quqyqtary men mindetteri ǵana jazylǵan. Munyń bári - jýrnalisterdiń óte jaýapty jáne qaýipti jumysyn eskermeý.
Nurtóre Júsip otandyq jýrnalistikany damytý úshin jýrnalisterdiń mártebesin kóterý, olardy áleýmettik kepildiktermen jáne qorǵaýmen qamtamasyz etý mańyzdy ekenin atap ótti.
Senator pandemiia kezinde jýrnalister dárigerlermen, politseilermen jáne qutqarýshylarmen teń dárejede jumys istegenin, biraq olardan aiyrmashylyǵy – BAQ qyzmetkerleri bul úshin eshqandai qosymsha aqy jáne áleýmettik kepildik almaǵanyn eske saldy. Jýrnalister jeńildikti sanattar qatarynda turǵyn úi alýǵa úmitker bola almaidy. Sebebi olar memlekettik qyzmetker de, azamattyq qyzmetker de emes.
«Jýrnalisterge sot, prokýratýra, ishki ister, advokat, notariýs siiaqty naqty mártebe beretin kez keldi.Buqaralyq aqparat quraldarynyń yqpalynsyz qoǵamdy demokratiialandyrý múmkin emes. Sondyqtan Buqaralyq aqparat quraldary qyzmetkerlerin arnaiy áleýmettik mártebe arqyly qoldaýdy ári qorǵaýdy usynamyz. Bul úshin «Jýrnalist mártebesi týraly» arnaiy zań qabyldaý qajet dep oilaimyn»,- dedi depýtat óz saýalynda.
