Senator Nurtóre Júsip elimizdiń kitaphanalary men muraǵattaryndaǵy birqatar máselelerdi atap ótip, osy saladaǵy qyzmetkerlerdiń eńbekaqysyn kóterýdi surady. Ol Senat otyrysynda elimizdiń Premer-Ministrine osyndai depýtattyq saýal joldady, dep habarlaidy "Ult aqparat".
Osy oraida ol 2020 jylǵy 1 qańtardan respýblikalyq mádeniet uiymdary qyzmetkerleriniń jalaqysy, sondai-aq óńirlik deńgeide óskenin eske saldy. Bul basqarýshy jáne negizgi personaldarǵa ǵana qatysty.
«Al qosalqy personal, injenerler, programmister men kitaphanalardyń fýnktsionaldyq qyzmetin qamtamasyz etetin mamandar jalaqysy kóterilmei qalǵan. Aimaqtardaǵy kitaphanashylar ailyǵy budan da tómen», - dedi Nurtóre Júsip.
Senator kitaphana qyzmetkerleriniń jalaqysyn kóterip qana qoimai, elimizdiń kitaphanalaryn, kitap qoimalary men muraǵattaryn materialdyq-tehnikalyq qamtamasyz etý problemalaryn sheshý mańyzdy dep sanaidy.
Depýtattyń aitýynsha, Ulttyq muraǵat qory týraly Ereje jetildirýdi talap etedi. Osy ýaqytqa deiin arhivtik aqparat týraly Birtutas respýblikalyq klassifikator jasalmaǵan. Mundai klassifikator zamanaýi katalogtardy, málimetterdiń elektrondyq bazasyn, elektrondy arhiv, aqparat izdeý salasyn damytý úshin asa mańyzdy.
