سەناتور نۇرتٶرە جٷسٸپ ەلٸمٸزدٸڭ كٸتاپحانالارى مەن مۇراعاتتارىنداعى بٸرقاتار مەسەلەلەردٸ اتاپ ٶتٸپ, وسى سالاداعى قىزمەتكەرلەردٸڭ ەڭبەكاقىسىن كٶتەرۋدٸ سۇرادى. ول سەنات وتىرىسىندا ەلٸمٸزدٸڭ پرەمەر-مينيسترٸنە وسىنداي دەپۋتاتتىق ساۋال جولدادى, دەپ حابارلايدى "ۇلت اقپارات".
وسى ورايدا ول 2020 جىلعى 1 قاڭتاردان رەسپۋبليكالىق مەدەنيەت ۇيىمدارى قىزمەتكەرلەرٸنٸڭ جالاقىسى, سونداي-اق ٶڭٸرلٸك دەڭگەيدە ٶسكەنٸن ەسكە سالدى. بۇل باسقارۋشى جەنە نەگٸزگٸ پەرسونالدارعا عانا قاتىستى.
«ال قوسالقى پەرسونال, ينجەنەرلەر, پروگرامميستەر مەن كٸتاپحانالاردىڭ فۋنكتسيونالدىق قىزمەتٸن قامتاماسىز ەتەتٸن ماماندار جالاقىسى كٶتەرٸلمەي قالعان. ايماقتارداعى كٸتاپحاناشىلار ايلىعى بۇدان دا تٶمەن», - دەدٸ نۇرتٶرە جٷسٸپ.
سەناتور كٸتاپحانا قىزمەتكەرلەرٸنٸڭ جالاقىسىن كٶتەرٸپ قانا قويماي, ەلٸمٸزدٸڭ كٸتاپحانالارىن, كٸتاپ قويمالارى مەن مۇراعاتتارىن ماتەريالدىق-تەحنيكالىق قامتاماسىز ەتۋ پروبلەمالارىن شەشۋ ماڭىزدى دەپ سانايدى.
دەپۋتاتتىڭ ايتۋىنشا, ۇلتتىق مۇراعات قورى تۋرالى ەرەجە جەتٸلدٸرۋدٸ تالاپ ەتەدٸ. وسى ۋاقىتقا دەيٸن ارحيۆتٸك اقپارات تۋرالى بٸرتۇتاس رەسپۋبليكالىق كلاسسيفيكاتور جاسالماعان. مۇنداي كلاسسيفيكاتور زاماناۋي كاتالوگتاردى, مەلٸمەتتەردٸڭ ەلەكتروندىق بازاسىن, ەلەكتروندى ارحيۆ, اقپارات ٸزدەۋ سالاسىن دامىتۋ ٷشٸن اسا ماڭىزدى.
