Májilis tóraǵasy Nurlan Nyǵmatýlin qazaq televiziiasynyń maitalmany, halqymyzdyń qadirli uly, tanymal tulǵa Nurtileý Imanǵaliulynyń qaitys bolýyna bailanysty marqumnyń otbasyna kóńil aitý jedelhatyn joldady, dep habarlaidy "Ult aqparat".
Májilis tóraǵasy bul - qazaqstandyqtar úshin, qoǵam úshin, qazaq televiziiasy úshin orny tolmas aýyr qaza ekenin aitty.
«Nurtileý Imanǵaliuly ultyn, elin, jerin qurmettegen úlken júregimen, sanaly ǵumyryn egemen elimizdiń igiligine arnady. Maǵynasy tereń, jaýapkershiligi zor kóptegen salmaqty baǵdarlamalardy asqan sheberlikpen júrgizip, ózekti suraqtardyń sheshimin tabýyna ólsheýsiz úles qosty. Televiziia salasynda ózindik qoltańbasyn qalyptastyryp, myńdaǵan shákirtter tárbielep, artynda óshpes iz qaldyrdy» delingen jedelhatta.
Palata spikeri asyl azamattyń aqjarqyn beinesi halyqtyń júreginde máńgi saqtalatynyn atap ótti.
