«Qazaqstan» teleradiokorporatsiiasy qazaqstandyq joǵary oqý oryndaryndaǵy jýrnalistika fakýltetiniń II, III, IV kýrs stýdentteri arasynda Qazaq televiziiasynyń ardageri Nurtileý Imanǵaliuly atyndaǵy stipendiiaǵa baiqaý jariialady, dep habarlaidy "Ult aqparat".
«Nurtileý Imanǵaliuly – óziniń efirdegi úlgisimen Qazaq televiziiasynyń tutas bir býynyn tárbielegen tulǵa. Bizdiń maqsatymyz – osy sabaqtastyqty jalǵaý, televiziiada Nurtileý Imanǵaliulynyń izbasarlaryn daiyndaý, esimi men shyǵarmashylyǵyn keńinen nasihattaý. Ekinshiden, bul bolashaq jýrnalisterdiń shyǵarmashylyq sheberligin shyńdaýǵa kórsetken qoldaýymyz», - deidi «Qazaqstan» RTRK» AQ Basqarma tóraǵasy Lázzat Tanysbai.
Úmitker N.Imanǵaliulynyń televiziiadaǵy tulǵasy jaily beinematerial ázirleýi tiis. Materialdar qazaq tilinde qabyldanady. Grant iegerlerin (eki jeńimpaz) «Qazaqstan» teleradiokorporatsiiasynyń qyzmetkerlerinen quralǵan arnaiy komissiia anyqtaidy.
Stipendiia ár jeńimpazǵa 2021-2022 oqý jylyna beriledi. Jumystar 2021 jylǵy 28 maýsym – 28 tamyz aralyǵynda baiqau@qazaqstan.tv elektrondy poshtasy arqyly qabyldanady.
